தவறவிடாதீர்கள்..!உடனே பதிவு செய்யுங்கள்

முதலாவது நிறைவேற்று அதிகாரம் கொண்ட ஜனாதிபதி ஜே.ஆர். ஜெயவர்தனவின் பாணியை பயன்படுத்தி தேசிய மக்கள் சக்தியின் பாராளுமன்ற ஆட்சி காலத்தை அடுத்த ஐந்து வருடங்களுக்கு நீடிப்பதற்கு ஜனாதிபதி அநுர குமார திட்டமிடுகின்றாரா என்பது தற்போதைய அரசியல் வட்டாரத்தில் முக்கிய கேள்வியாக உள்ளது. ஏனென்றால்   22 ஆவது திருத்தச் சட்டம் குறித்து சர்வஜன  வாக்கெடுப்பை நடத்துமாறு எதிர்க்கட்சிகள் மற்றும் சில சிவில் சமூக அமைப்புகள் கோரிக்கை முன் வைத்திருப்பதானது எமது நாட்டில் நாற்பத்து நான்கு  வருடங்களுக்குப் பிறகு மீண்டும் ஒரு மக்கள்   வாக்கெடுப்பு இடம்பெறுமா என்ற எதிர்ப்பார்ப்பை ஏற்படுத்தியுள்ளது.  அதே வேளை நாட்டை பொருளாதார ரீதியாக பின்னடையச் செய்த முன்னாள் அரசியல்வாதிகளுக்கு எதிராகவும் பாதாள உலக கோஷ்டியினருக்கும் எதிராகவும் நடவடிக்கைகளை முன்னெடுக்க ஐந்து வருடங்கள் போதாது என அநுர நினைக்கலாம். அதற்கு மேலதிகமாக பாராளுமன்ற அதிகாரத்தை தக்க வைக்க அவர் வியூகங்களை வகுக்கின்றாரோ தெரியவில்லை.