தவறவிடாதீர்கள்..!உடனே பதிவு செய்யுங்கள்

'இரண்டாம் உலகப்போருக்குப் பிந்தைய காலத்தில் ஜப்பானின் தொழில்மயமாக்கலுக்கும் பொருளாதார வளர்ச்சிக்கும் கப்பல் கட்டும் துறை மிகப்பெரிய தூணாக இருந்தது. ஆனால், கடந்த சில தசாப்தங்களாக சீனா மற்றும் தென்கொரியா ஆகிய நாடுகளின் கடுமையான போட்டியினால் ஜப்பான் தன் சந்தைப் பங்கை இழக்க நேரிட்டது. தற்போதைய முதலீடுகள் அந்த இழந்த பெருமையை மீட்டெடுக்கும் ஒரு முயற்சியாகக் பார்க்கப்படுகின்றன. மறுபுறம், அசுர வேகத்தில் வளர்ந்து வரும் சீனாவின் கடற்படை பலத்திற்கும், உலகளாவிய வணிகக் கப்பல் சந்தையில் சீனாவின் ஆதிக்கத்திற்கும் ஈடுகொடுக்க அமெரிக்கா முயன்று வருகிறது' 'உலகின் மிக ஆழமான மற்றும் பாதுகாப்பான இயற்கை துறைமுகங்களில் ஒன்றான திருகோணமலை துறைமுகத்தில் ஜப்பான் கணிசமான உள்கட்டமைப்பு முதலீடுகளை மேற்கொண்டுள்ளது. திருகோணமலை துறைமுகத்தில் இரவு நேரக் கப்பல் போக்குவரத்து கட்டுப்பாட்டு அமைப்புகளை நிறுவுவதற்கும், துறைமுகத்தை நவீனமயமாக்குவதற்கும் ஜப்பான் தொடர்ந்து நிதியுதவி அளித்து வருகிறது. அமெரிக்கா, ஜப்பான், இந்தியா மற்றும் அவுஸ்திரேலியா உள்ளடங்கிய 'குவாட்' அமைப்பு, இந்தியப் பெருங்கடலில் சீனாவின் கடற்படை விரிவாக்கத்தைக் கட்டுப்படுத்த முயலும் இந்த வேளையில், திருகோணமலை மற்றும் கொழும்பு துறைமுகங்கள் ஜப்பானிய வர்த்தகக் கப்பல்களின் தடையற்ற போக்குவரத்திற்கு ஒரு அரணாகச் செயல்படுகின்றன'