தவறவிடாதீர்கள்..!உடனே பதிவு செய்யுங்கள்

(உருத்திரா)

சீனாவின் பாரம்பரிய காதலர் தினமான 'கிக்சி' (Qixi Festival) பண்டிகையை முன்னிட்டு, நவீன தொழில்நுட்பத்தைப் பயன்படுத்தி ஒரு பிரம்மாண்ட ட்ரோன் சாகச நிகழ்ச்சி நடத்தப்பட்டது.

சுமார் 2,000 அதிநவீன ட்ரோன்கள் விக்டோரியா துறைமுகத்தின் வான்பரப்பில் ஒரே நேரத்தில் பறக்கவிடப்பட்டு, கண்கவர் முப்பரிமாண (3D) காட்சிகளை உருவாக்கின.

2,000 ஆண்டுகளுக்கும் பழமையான சீனப் புராணக் காதலர்களான நெசவாளர் பெண் மற்றும் மாடு மேய்க்கும் இளைஞன் கதையை மையமாகக் கொண்டு இந்த நிகழ்ச்சி அமைக்கப்பட்டிருந்தது.

வானில் பறந்த ட்ரோன்கள் அனைத்தும் ஒன்றிணைந்து, காதலர்கள் சந்திக்கும் பறவை பாலம் ('மக்பை'), பாரம்பரிய உடையில் கைகோர்த்து நிற்கும் காதலர்கள், பிரம்மாண்ட ரோஜா மலர்கள் மற்றும் இதய வடிவங்களை வண்ணமயமான விளக்குகளால் உருவாக்கி அனிமேஷன் வடிவில் காட்சிப்படுத்தின.

அதிவேகக் காற்றையும் பொருட்படுத்தாமல், கணினி மற்றும் செயற்கைக்கோள் வழிகாட்டல் மூலம் 2,000 ட்ரோன்களும் ஒன்றோடொன்று மோதாமல் துல்லியமாக இயக்கப்பட்டன.

சீனாவின் இந்தத் தொழில்நுட்ப ஆற்றலையும் கலாசாரப் பெருமையையும் பறைசாற்றிய இந்த வண்ணமயமான வான்வெளி காட்சியைக் கரையில் திரண்டிருந்த ஆயிரக்கணக்கான மக்களும் சுற்றுலாப் பயணிகளும் வியப்புடன் கண்டுகளித்தனர்.