தவறவிடாதீர்கள்..!உடனே பதிவு செய்யுங்கள்

புத்தள களப்புப் பகுதியில் சட்டவிரோதமான முறையில் நாட்டிற்குள் கொண்டுவர முயன்ற 07 இலட்சத்து 50 ஆயிரம்  மருந்து மாத்திரைகள் மற்றும் டிங்கி படகொன்றை இலங்கை கடற்படையினர் கைப்பற்றியுள்ளனர்.

நேற்றைய தினம் செவ்வாய்க்கிழமை (18) வடமேற்கு கடற்படை கட்டளைக்குச் சொந்தமான 'இலங்கை கடற்படைக் கப்பல் விஜய' நிறுவனத்தின் உத்தியோகத்தர்களால் புத்தளக் களப்புப் பகுதியில் விசேட சோதனைய நடவடிக்கை ஒன்று முன்னெடுக்கப்பட்டது.

இதன்போது, கடற்படையினரின் தீவிரக் கண்காணிப்பைக் கண்டு கடத்தல்காரர்களால் கைவிடப்பட்டுச் சென்ற சந்தேகத்திற்கிடமான டிங்கி படகைச் சோதனையிட்ட போதே, அதனுள் மறைத்து வைக்கப்பட்டிருந்த பெருந்தொகை மருந்து மாத்திரைகள் கண்டெடுக்கப்பட்டுள்ளன.

கைப்பற்றப்பட்ட டிங்கி படகும் மருந்து மாத்திரைகளும் மேலதிக சட்ட நடவடிக்கைகளுக்காகப் புத்தளம் பொலிஸ் போதைப்பொருள் தடுப்புப் பிரிவிடம் ஒப்படைக்கப்பட்டுள்ளதாகக் கடற்படையினர் தெரிவித்துள்ளனர்.