தவறவிடாதீர்கள்..!உடனே பதிவு செய்யுங்கள்

சுங்க வரி செலுத்தப்படாமல் சட்டவிரோதமான முறையில் நாட்டிற்குள் கொண்டு வந்த  12,000 சிகரெட்டுகளுடன் வெளிநாட்டவர்கள் இருவர் கொள்ளுப்பிட்டி பொலிஸாரால் கைது செய்யப்பட்டுள்ளனர்.

நேற்றைய தினம் செவ்வாய்க்கிழமை (18) கொள்ளுப்பிட்டி பொலிஸ் பிரிவிற்குட்பட்ட காலி வீதி பகுதியில் கொள்ளுப்பிட்டி பொலிஸ் நிலைய உத்தியோகத்தர்கள் குழுவினால் கிடைத்த இரகசியத் தகவலுக்கு அமைய மேற்கொள்ளப்பட்ட நடவடிக்கையின் போதே இவர்கள் கைது செய்யப்பட்டுள்ளனர்.

கைது செய்யப்பட்ட சந்தேகநபர்கள் 31 மற்றும் 34 வயதுடைய சீன நாட்டவர்கள் எனப் பொலிஸார் தெரிவித்துள்ளனர்.

மேலும், இச் சம்பவம் தொடர்பான மேலதிக விசாரணைகளில்  கொள்ளுப்பிட்டி பொலிஸார் ஈடுபட்டு வருகின்றனர்.