தவறவிடாதீர்கள்..!உடனே பதிவு செய்யுங்கள்

(நமது நிருபர்)

தெல்தெனிய பொலிஸ் பிரிவுக்குட்பட்ட கண்டி - பதீயத்தலாவ வீதியில், வெல்லேதொட்ட பகுதியில் ஜீப் வாகனமும் முச்சக்கர வண்டியும் நேருக்கு நேர் மோதி இடம்பெற்ற விபத்தில் முச்சக்கர வண்டியின் சாரதி உயிரிழந்துள்ளார்.

ஞாயிற்றுக்கிழமை (17) கண்டியில் இருந்து பதீயத்தலாவ நோக்கி பயணித்த முச்சக்கர வண்டியும், எதிர்த்திசையில் வந்த ஜீப் வாகனமும் மோதி இந்த விபத்து நேர்ந்துள்ளது. விபத்தில் பலத்த காயமடைந்த முச்சக்கர வண்டி சாரதி தெல்தெனிய வைத்தியசாலையில் அனுமதிக்கப்பட்ட நிலையில் சிகிச்சை பலனின்றி உயிரிழந்தார். உயிரிழந்தவர் மெதமஹனுவர பகுதியைச் சேர்ந்த 28 வயதுடையவர் என அடையாளம் காணப்பட்டுள்ளார்.

முச்சக்கர வண்டியில் பயணித்த மேலும் இரண்டு பெண் பயணிகள் படுகாயமடைந்து கண்டி பொது வைத்தியசாலையில் சிகிச்சை பெற்று வருகின்றனர். விபத்து தொடர்பாக ஜீப் வாகனத்தின் சாரதி பொலிஸாரால் கைது செய்யப்பட்டுள்ளார். சம்பவம் தொடர்பில் தெல்தெனிய பொலிஸார் தீவிர விசாரணை நடத்தி வருகின்றனர்.