தவறவிடாதீர்கள்..!உடனே பதிவு செய்யுங்கள்

இலங்கைக்கும் லிதுவேனியாவுக்கும் இடையில் இராஜதந்திர உறவுகள் ஆரம்பிக்கப்பட்டு 30 ஆண்டுகள் நிறைவைக் கொண்டாடும் வகையில் எதிர்வரும் 25ஆம் திகதி வரை  சிறப்பு நிகழ்ச்சிகள் திட்டமிடப்பட்டுள்ளன.  

இலங்கைக்கும் லிதுவேனியா குடியரசிற்கும் இடையிலான முறையான இராஜதந்திர உறவுகள் 1996 ஆகஸ்ட் 20 அன்று ஆரம்பமாகியிருந்தது.

இந்நிலையில் இவ்விரு நாடுகளுக்கும் இடையிலான 30 ஆண்டுகால இராஜதந்திர உறவுகள் நிறைவடைவதை முன்னிட்டு, பரஸ்பர, சுற்றுலா, கல்வி, வர்த்தகம், முதலீடு, டிஜிட்டல் தொழில்நுட்பம் மற்றும் கலாசாரப் பகிர்வு ஆகிய துறைகளில் எதிர்கால ஒத்துழைப்பை மேலும் வலுப்படுத்த இரு நாடுகளும் தீர்மானித்துள்ளன.  

இலங்கைக்கான லிதுவேனிய தூதுவர் டயானா மிகேவிச்சீனே விடுத்துள்ள செய்தியில்,

இரு நாடுகளுக்கும் இடையிலான பரஸ்பர நம்பிக்கை மற்றும் நட்புறவு நீண்ட காலமானது. இலங்கையின் தேசியக் கொடியின் நிறங்கள் மற்றும் கண்டி அம்பிட்டிய தேவாலயத்தில் பிரதிஷ்டை செய்யப்பட்டுள்ள சொரூபத்தின் மாதிரி போன்ற ஆன்மீக மற்றும் கலாசார பிணைப்புகள் நீண்டகால இருதரப்பு உறவினை உறுதி செய்கின்றன என்று குறிப்பிட்டுள்ளார்.

அதேபோல், லிதுவேனியாவுக்கான இலங்கைத் தூதுவர் ஆர்.எம்.மணிவண்ணன், சைபர் பாதுகாப்பு, தகவல் தொழில்நுட்பம் மற்றும் சுற்றுச்சூழல் மேம்பாடு ஆகியவற்றில் லிதுவேனியாவின் நவீன வளர்ச்சியையும், இலங்கையின் மூலோபாய இருப்பிடம் மற்றும் கலாசார வளங்களையும் இணைத்து இரு நாடுகளும் இணைந்து செயற்பட சிறந்த வாய்ப்புகள் உள்ளதாகக் குறிப்பிட்டுள்ளார்.