தவறவிடாதீர்கள்..!உடனே பதிவு செய்யுங்கள்

22ஆவது அரசியலமைப்பு திருத்தத்தை கொண்டுவரும் அரசாங்கத்தின் முயற்சிக்கு எதிர்க்கட்சி சபையில் எதிர்ப்பை வெளியிட்டுள்ளது.

அரசியலமைப்புக்கான 22ஆம் திருத்தச் சட்டமூலம் மற்றும் நீதித்துறை (திருத்தச்) சட்டமூலம் ஆகிய இரு சட்டமூலங்களையும் நீதியமைச்சர் ஹர்ஷன நாணயக்கார இன்று (18) செவ்வாய்க்கிழமை  பாராளுமன்றத்தில் சமர்ப்பித்துள்ளார்.

நாட்டின் அரசியலமைப்பு மற்றும் நீதித்துறை தொடர்பான சட்ட ஏற்பாடுகளில் திருத்தங்களை மேற்கொள்ளும் நோக்கில் இந்தச் சட்டமூலங்கள் பாராளுமன்றத்தில் முன்வைக்கப்பட்டுள்ளன.

நீதியமைச்சர் ஹர்ஷன நாணயக்காரவினால் குறித்த சட்டமூலங்கள் சபையில் சமர்ப்பிக்கப்பட்டதைத் தொடர்ந்து, அவை தொடர்பான அடுத்தகட்ட பாராளுமன்ற நடவடிக்கைகள் முன்னெடுக்கப்படவுள்ளன.

இந்நிலையில், 22ஆவது அரசியலமைப்பு திருத்தம் தொடர்பான அரசாங்கத்தின் நடவடிக்கைகள் நாட்டின் அரசியலமைப்பு மற்றும் ஜனநாயக நிறுவனங்களின் செயற்பாடுகளில் ஏற்படுத்தக்கூடிய தாக்கங்கள் குறித்து எதிர்க்கட்சி உறுப்பினர்கள் கேள்வி எழுப்பியுள்ளனர்.

அத்துடன், அரசியலமைப்பு திருத்தங்களை மேற்கொள்ளும் போது அனைத்து அரசியல் கட்சிகளுடனும் விரிவான கலந்துரையாடல்கள் நடத்தப்பட வேண்டுமெனவும், நாட்டின் நீண்டகால அரசியல் ஸ்திரத்தன்மை மற்றும் ஜனநாயக நடைமுறைகளை கருத்திற்கொண்டு தீர்மானங்கள் எடுக்கப்பட வேண்டுமெனவும் எதிர்க்கட்சி வலியுறுத்தியுள்ளதுடன் சபையில் தமது எதிர்ப்பையும் வெளியிட்டுள்ளனர்.

22ஆவது அரசியலமைப்பு திருத்தம் தொடர்பான விவகாரம் தற்போது அரசியல் ரீதியாகவும் நாடாளுமன்ற மட்டத்திலும் முக்கிய கவனத்தைப் பெற்றுள்ளமை குறிப்பிடத்தக்கது.