தவறவிடாதீர்கள்..!உடனே பதிவு செய்யுங்கள்

தெலுங்கு திரையுலகின் 'மெகா சுப்ரீம் ஹீரோ'வான நடிகர் சாய் துர்கா தேஜ் அதிரடியான எக்சன் அவதாரத்தில் நடித்திருக்கும் 'சம்பராலா ஏடி கட்டு SYG திரைப்படத்தின் படப்பிடிப்பு நிறைவடைந்துள்ளது என்றும், இந்தத் திரைப்படம் 2027 ஆம் ஆண்டு ஜனவரி மாதம் 12ஆம் திகதி முதல் பட மாளிகையில் வெளியாகும் என்றும் அதிகாரப்பூர்வமாக அறிவிக்கப்பட்டிருக்கிறது.

அறிமுக இயக்குநர் ரோஹித் கே. பி. இயக்கத்தில் உருவாகி வரும் 'சம்பராலா ஏடி கட்டு - SYG ' திரைப்படத்தில் சாய் துர்கா தேஜ், ஐஸ்வர்யா லட்சுமி, ஜெகபதி பாபு, சாய்குமார், ஸ்ரீகாந்த் , அனன்யா நாகள்ள உள்ளிட்ட பலர் நடித்திருக்கிறார்கள்.

வெற்றி பழனிச்சாமி ஒளிப்பதிவு செய்திருக்கும் இந்த திரைப்படத்திற்கு பி. அஜனீஷ் லோக்நாத் இசையமைத்திருக்கிறார்.

அதிரடியான எக்சன் என்டர்டெய்னராக தயாராகி இருக்கும் இந்த திரைப்படத்தை ப்ரைம் ஷோ என்டர்டெயின்மென்ட் நிறுவனம் சார்பில் தயாரிப்பாளர்கள் கே. நிரஞ்சன் ரெட்டி மற்றும் சைதன்யா ரெட்டி ஆகியோர் இணைந்து தயாரித்திருக்கிறார்கள்.

தெலுங்கு திரையுலகின் முன்னணி நட்சத்திர நடிகர்கள் நடிக்கும் திரைப்படங்கள் பெரும்பாலும் பான் இந்திய அளவிலான படைப்புகள் என்பதால்... பிரம்மாண்டமான பட்ஜட்டில் கூடுதலான திட்டமிடலுடன் நிறைவு செய்து, தமிழ், தெலுங்கு, மலையாளம், கன்னடம்,  இந்தி ஆகிய மொழிகளில் பான் இந்திய திரைப்படமாக வெளியிடுகிறார்கள்.

அந்த வகையில் சாய் துர்கா தேஜ் நடித்திருக்கும் 'சம்பராலா ஏடி கட்டு- SYG திரைப்படம்- அடுத்த ஆண்டு ஜனவரியில் பொங்கல் விடுமுறையில் வெளியாகிறது.