தவறவிடாதீர்கள்..!உடனே பதிவு செய்யுங்கள்

(எம்.நியூட்டன்)

நல்லூர் கந்தனின் பெருந்திருவிழாவை முன்னிட்டு யாழ்ப்பாணம் மாநகர சபையின் சைவ சமய விவகாரக்குழுவினால் வெளியிடப்படும் நல்லைக்குமரன் மலர் வெளியீட்டு விழா எதிர்வரும் புதன்கிழமை (19)  நல்லை திருஞானசம்பந்தர் ஆதீன கலா மண்டபத்தில் காலை 09.00 மணிக்கு நடைபெறவுள்ளது.

அவ்விழாவில் சைவத்திற்கும் தமிழுக்கும் பல தொண்டுகளையாற்றி எமது சமூகத்திற்கு பல்துறை சார்ந்து பணியாற்றிய பெருந்தகை ஒருவரை இனங்கண்டு கெளரவித்து “யாழ் விருது" வழங்குவது வழக்கமாகும்.

வழமைக்கேற்ப இவ்வருடம் சைவத்திற்கும் தமிழ் சமூகத்திற்கும் பெரும் பணியாற்றியதுடன் நில்லாது பல சமூகப்பணிகளை தற்போதும் மேற்கொண்டு வருகின்ற தகைசால் பேராசிரியர் முனைவர் அருணாசலம் சண்முகதாஸ் மற்றும் பேராசிரியர் முனைவர் மனோன்மணி சண்முகதாஸ் தம்பதியினர் யாழ் விருதினை வழங்கிக் கௌரவிப்பதென சைவ சமய விவகாரக்குழுவினால் ஏக மனதாகத் தீர்மானிக்கப்பட்டுள்ளது என யாழ் மாநகராட்சி மன்ற சைவசமய விவகாரக் குழு அறிவித்துள்ளது.