தவறவிடாதீர்கள்..!உடனே பதிவு செய்யுங்கள்

இலங்கையைப் பொறுத்தவரை கொலைக் குற்றச்சாட்டுகள் மற்றும் போதை பொருள் கடத்தல் தொடர்பாக குற்றம் உறுதி செய்யப்பட்ட பலருக்கு மரண தண்டனை தீர்ப்புகள் வழங்கப்பட்டாலும், கடந்த அரை நூற்றாண்டுகளாக இலங்கையில்   மரண தண்டனை தீர்ப்பு கிடைத்த  எவரும் தூக்கிலிடப்படவில்லை.  இறுதியாக 1976 ஆம் ஆண்டே மரண தண்டனை நிறைவேற்றப்பட்டது.     சிறைச்சாலை தரவுகளின் படி இலங்கையெங்குமுள்ள சிறைச்சாலைகளில் எண்ணுருக்கும் மேற்பட்ட மரண தண்டனை கைதிகள் இருக்கின்றனர். ஆனால்  மரண தண்டனையை மீண்டும் அறிமுகப்படுத்துவதற்கான அரசாங்கத்தின் முன்மொழிவானது, பாரம்பரியமாக அதை எதிர்த்து வரும் ஐரோப்பிய ஒன்றிய (EU) நாடுகளுக்கு இலங்கை உற்பத்திகளை ஏற்றுமதி செய்யும்போது GSP+ வர்த்தக வசதியைத் தக்கவைத்துக் கொள்வதற்கான அதன் பரப்புரையில் நேரடித் தாக்கத்தை ஏற்படுத்தும்.    '1976 முதல்  மரணதண்டனை நிறுத்தம் இருந்தபோதிலும், நீதிமன்றம் தொடர்ந்து மரண தண்டனையை வழங்கி வருகிறதா?' என்று  ஐரோப்பிய ஒன்றியம் கேள்வி எழுப்பியுள்ளது.