தவறவிடாதீர்கள்..!உடனே பதிவு செய்யுங்கள்

இந்தியாவுக்குச் சொந்தமானதாக சந்தேகிக்கப்படும் மீன்பிடிப் படகு ஒன்று சனிக்கிழமை (15) காலை சிலாபம், இரணாவில பகுதியில் கரை ஒதுங்கியுள்ளது.

இந்தியாவின் கேரளாவில் இருந்து மூவருடன் புறப்பட்ட குறித்த படகு புயலில் சிக்கி கவிழ்ந்ததாகவும், அதில் பயணித்த மீனவர்கள் இந்திய மீனவர்களால் மீட்கப்பட்டதாகவும் தெரிவிக்கப்படுகிறது.

எனினும், படகு கடலில் அலைகளில் சிக்கி இழுத்துச் செல்லப்பட்ட நிலையில், இன்று சிலாபம் இரணாவில பகுதியில் கரை ஒதுங்கியுள்ளதாக தெரிவிக்கப்பட்டுள்ளது.

கரை ஒதுங்கியுள்ள படகில் பாறைகளில் மோதியதற்கான தெளிவான அறிகுறிகள் எதுவும் காணப்படவில்லை என தெரிவிக்கப்பட்டுள்ளது. இதனால், குறித்த படகில் நபர்கள் பயணித்திருக்கலாம் என அப்பகுதி மக்கள் சந்தேகம் வெளியிட்டுள்ளனர்.

கரை ஒதுங்கியுள்ள படகு தொடர்பில் இலங்கை கடற்படையினர் விசாரணைகளை முன்னெடுத்து வருகின்றனர்.