தவறவிடாதீர்கள்..!உடனே பதிவு செய்யுங்கள்

அமெரிக்காவில் 16 ஆண்டுகளுக்குப் பிறகு ஒரே நாளில் 3 சிறைக் குற்றவாளிகளுக்கு மரண தண்டனை நிறைவேற்றப்படவுள்ளதாக அந்நாட்டு ஊடகங்கள் செய்தி வெளியிட்டுள்ளன. 

டென்னசி, அலபாமா மற்றும் ஓக்லஹோமா ஆகிய மாகாணங்களிலும் இந்த மூன்று குற்றவாளிகளுக்கு மரண தண்டனை நிறைவேற்றப்படவுள்ளது.

மரண தண்டனை விதிக்கப்பட்ட அந்தோணி டேரல் (வயது 66), கார்லோஸ் (வயது 70), ஜெரமி வில்லியம்ஸ் (வயது 42) ஆகிய மூன்று பேருமே கொலை வழக்குகளில் குற்றவாளிகளாக நீதிமன்றங்களால் தீர்ப்பளிக்கப்பட்டவர்கள் ஆவர்.

ஹோட்டல் ஊழியர் ஒருவர கொலை செய்த குற்றத்துக்காக அந்தோணி டேரலும், காதலியை சுட்டுக்கொன்ற காரணத்தினால் கார்லோஸும், 5 வயது சிறுமியை பாலியல் துஷ்பிரயோகத்துக்கு உட்படுத்தி கொலை செய்த குற்றத்துக்காக ஜெரமி வில்லியம்ஸும் மரண தண்டனையை பெறவுள்ளனர். 

முன்பு 2010 ஜனவரி 7ஆம் திகதி அமெரிக்காவில் ஒரே நாளில் மூன்று பேருக்கு மரண தண்டனை நிறைவேற்றப்பட்டதாக தெரிவிக்கப்படுகிறது. அதன் பிறகு 16 ஆண்டுகள் கழித்து மேற்குறிப்பிட்ட மூன்று பேருக்கும் இந்த ஆண்டு ஒரே நாளில் மரண தண்டனை நிறைவேற்றப்படவிருக்கிறது. 

இக்குற்றவாளிகளுக்கு ஊசி மூலம் விஷம் உடலினுள் செலுத்தப்பட்டு மரண தண்டனை நிறைவேற்றப்படவுள்ளமை குறிப்பிடத்தக்கது.