தவறவிடாதீர்கள்..!உடனே பதிவு செய்யுங்கள்

அமெரிக்காவின் கென்டக்கி மாநிலத்தில், சிறுமி ஒருவரை மனிதக் கடத்தல் செய்தமை மற்றும் பாலியல் துஷ்பிரயோகங்களுக்கு உட்படுத்தியமை தொடர்பில் மேற்கொள்ளப்பட்ட விசாரணைகளை அடுத்து மூவர் கைது செய்யப்பட்டுள்ளதாகக் கென்டக்கி மாநிலப் பொலிஸார்  தெரிவித்துள்ளனர்.

வொஷிங்டன் கவுண்டியில் சிறுமி ஒருவருக்கும் மூவருக்கும் இடையே இடம்பெற்றதாகக் கூறப்படும் மனிதக் கடத்தல் மற்றும் பாலியல் தொடர்புகள் குறித்து 2024 ஆம் ஆண்டு  செப்டம்பர் தொடக்கத்தில் பொலிஸாருக்குத் தகவல் கிடைத்தது.

தீவிர விசாரணைகளின் பின்னர், இச்சம்பவம் தொடர்பான வழக்கு 2026 ஏப்ரல் 16 அன்று வாஷிங்டன் கவுண்டி நடுவர் மன்றத்தில்  சமர்ப்பிக்கப்பட்டு, பின்வரும் மூவருக்கு எதிராகக் குற்றச்சாட்டுகள் சுமத்தப்பட்டன.

ஸ்ப்ரிங்ஃபீல்ட் பகுதியைச் சேர்ந்த 39 வயதுடைய கிறிஸ்டோபர் ஃபிர்கின்ஸ்  என்பவருக்கு எதிராக, 18 வயதிற்குட்பட்ட சிறுமியை வணிக ரீதியிலான பாலியல் கடத்தலுக்கு உட்படுத்தியமை (6 குற்றச்சாட்டுகள்), இரத்த உறவுமுறை பாலியல் குற்றம் (12 குற்றச்சாட்டுகள்), சிறுவருடன் சட்டவிரோதப் பணப்பரிமாற்றம் (18 குற்றச்சாட்டுகள்), இயற்கைக்கு மாறான பாலியல் வல்லுறவு (6 குற்றச்சாட்டுகள்), பாலியல் பலாத்காரம் (6 குற்றச்சாட்டுகள்) மற்றும் பாலியல் துஷ்பிரயோகம் (6 குற்றச்சாட்டுகள்) உள்ளிட்ட பல குற்றச்சாட்டுகள் சுமத்தப்பட்டுள்ளன.

இவர் 2026 ஏப்ரல் 19 அன்று கைது செய்யப்பட்டு மேரியன் கவுண்டி தடுப்புக் காவலில் அடைக்கப்பட்டார்.

மவுண்ட் வொஷிங்டன் பகுதியைச் சேர்ந்த 41 வயதுடைய  பிராண்டி டாய்ல்  என்ற பெண் மீது, மனிதக் கடத்தல் (6 குற்றச்சாட்டுகள்), சிறுவருடன் சட்டவிரோதப் பணப்பரிமாற்றம் (18 குற்றச்சாட்டுகள்), இயற்கைக்கு மாறான பாலியல் வல்லுறவு (6 குற்றச்சாட்டுகள்), பாலியல் பலாத்காரம் (6 குற்றச்சாட்டுகள்) மற்றும் பாலியல் துஷ்பிரயோகம் (6 குற்றச்சாட்டுகள்) எனப் பல வழக்குகள் பதிவு செய்யப்பட்டுள்ளன.

இவர் 2026 ஜூலை 8 அன்று கைது செய்யப்பட்டு புல்லிட் கவுண்டி தடுப்புக் காவலில் அடைக்கப்பட்டார்.

டெய்லர்ஸ்வில் பகுதியைச் சேர்ந்த சாமுவேல்  33 வயதுடைய   ஃபிர்கின்ஸ்  என்பவருக்கு எதிராக, மனிதக் கடத்தல் (1 குற்றச்சாட்டு) மற்றும் பாலியல் துஷ்பிரயோகம் (1 குற்றச்சாட்டு) சுமத்தப்பட்டு, 2026 மே 13 அன்று கைது செய்யப்பட்டு லூயிஸ்வில் மெட்ரோ சிறையில் அடைக்கப்பட்டார்.

மேலும், இச்சம்பவம் தொடர்பான மேலதிக விசாரணைகளில்  சிரேஷ்ட பொலிஸ் அதிகாரி டேனியல் ஸ்மித் தலைமையில் பொலிஸார் ஈடுபட்டு வருகின்றனர்.