தவறவிடாதீர்கள்..!உடனே பதிவு செய்யுங்கள்

(எம்.மனோசித்ரா)

இலங்கைக்கான ஜப்பான் தூதரகத்தின் பாதுகாப்பு ஆலோசகர் கொமாண்டர் குபோ தகயுகி, கடற்படைத் தலைமையகத்தில் கடற்படைத் தளபதி வைஸ் அட்மிரல் டேமியன் பெர்னாண்டோவை உத்தியோகபூர்வமாகச் சந்தித்துப் கலந்துரையாடியுள்ளார்.

இலங்கையின் 27 ஆவது கடற்படைத் தளபதியாகப் பொறுப்பேற்றுக்கொண்ட வைஸ் அட்மிரல் டேமியன் பெர்னாண்டோவிற்கு ஜப்பான் பாதுகாப்பு ஆலோசகர் கொமாண்டர் குபோ தகயுகி தனது வாழ்த்துகளைத் தெரிவித்துக் கொண்டார்.

அதனைத் தொடர்ந்து இடம்பெற்ற இச்சந்திப்பில், இலங்கை மற்றும் ஜப்பான் கடற்படைகளுக்கிடையிலான இருதரப்பு ஒத்துழைப்புகள் மற்றும் பரஸ்பர முக்கியத்துவம் வாய்ந்த பல்வேறு விடயங்கள் குறித்துச் சுமுகமான முறையில் கருத்துக்கள் பரிமாறப்பட்டன.

மேலும், இந்த உத்தியோகபூர்வ சந்திப்பை நினைவுகூரும் வகையில் இரு தரப்பினருக்கும் இடையே சிறப்பு நினைவுச் சின்னங்களும் பரிமாறிக்கொள்ளப்பட்டன.