தவறவிடாதீர்கள்..!உடனே பதிவு செய்யுங்கள்

சிம்பாப்வே நாட்டில் உள்ள கரிபா ஏரியில் சென்றுகொண்டிருந்த பயணிகள் படகொன்று கவிழ்ந்து விபத்துக்குள்ளானதில் 15 பேர் உயிரிழந்ததோடு 27 பேர் காணாமற்போயுள்ளதாக அந்நாட்டு அதிகாரிகள் தெரிவிக்கின்றனர். 

அப்படகு கொள்ளக்கூடிய அளவை விட அதிக பயணிகளை ஏற்றிச் சென்றபோதே படகு, ஏரியின் நடுவில் கவிழ்ந்து விபத்துக்குள்ளானதாக கூறப்படுகிறது. 

சிம்பாப்வே நாட்டின் பேரிடர் மேலாண்மை முகமையின் தரவுப்படி, இவ்விபத்தின்போது ஏரியிலிருந்து 77 பேர் மீட்கப்பட்டு அங்குள்ள ஒரு தீவுக்கு கொண்டுசெல்லப்பட்டுள்ளமை தெரியவந்துள்ளது. 

90 பேர் மட்டுமே பயணிக்கக்கூடிய அப்படகில், பயணச்சீட்டு விற்பனையின் அடிப்படையில் 114 பயணிகள் மற்றும் 5 பணியாளர்கள் படகில் இருந்ததாக அந்நாட்டு சிவில் பாதுகாப்பு பிரிவு தெரிவித்துள்ளது.