தவறவிடாதீர்கள்..!உடனே பதிவு செய்யுங்கள்

மன்னார் திருக்கேதீஸ்வர ஆலயத்தில் இன்று புதன்கிழமை (12) காலை ஆடி அமாவாசை விசேட பூஜை வழிபாடுகள் திருக்கேதீஸ்வர ஆலய பிரதம குரு கருணாநந்த குருக்கள் தலைமையில் நடைபெற்றன.

மன்னார் திருக்கேதீஸ்வர ஆலயத்தில்  இன்று காலை வசந்த மண்டபத்தில் கௌரியுடை திருக்கேதீஸ்வர நாதருக்கு விசேட வசந்த மண்டப பூஜை நடைபெற்றது.

அதனை தொடர்ந்து உற்சவ மூர்த்தி உள்வீதி எழுந்தருளி பாலாவி தீர்த்தக்கரைக்கு தீர்த்தமாடச் சென்றதையடுத்து, பாலாவி தீர்த்தம் நிகழ்வு நடைபெற்றது. அதனையடுத்து, சுவாமியின் வெளிவீதி உலா நடத்தப்பட்டது.

அதன் பின்னர், பக்தர்கள் பாலாவி தீர்த்தக்கரையில் இறந்த முன்னோரை நினைவுகூர்ந்து எள்ளும் தண்ணீரும் இரைத்து தர்ப்பணம் செய்தனர்.

அதனைத் தொடர்ந்து திருக்கேதீஸ்வர ஆலயத்தில் மோட்ச அர்ச்சனை செய்யப்பட்டும், மோட்ச விளக்கு ஏற்றப்பட்டும் பக்த அடியார்களால் தமது இறந்த முன்னோர்கள் நினைவுகூரப்பட்டு அனுஷ்டிக்கப்பட்டனர்.