தவறவிடாதீர்கள்..!உடனே பதிவு செய்யுங்கள்

பிரபல கால்பந்தாட்ட வீரர் கிறிஸ்டியானோ ரொனால்டோவும், அவரது நீண்டகால காதலியான ஜோர்ஜினா ரோட்ரிக்ஸ்வும் திருமணம் செய்து கொண்டதாக தெரிவிக்கப்பட்டுள்ளது.

போர்த்துக்கலின் கடற்கரை நகரமான காஸ்காய்ஸில் செவ்வாய்க்கிழமை (11) எளிமையான முறையில் இந்தத் திருமணம் நடைபெற்றுள்ளது.

நெருங்கிய உறவினர்கள் மற்றும் குடும்பத்தினரின் முன்னிலையில் நடைபெற்ற இந்தத் திருமண நிகழ்வில், ரொனால்டோ மற்றும் ஜோர்ஜினா தம்பதியினரின் ஐந்து குழந்தைகளும் கலந்து கொண்டதாக தெரிவிக்கப்பட்டுள்ளது.

நீண்டகாலமாக காதல் உறவில் இருந்து வந்த ரொனால்டோ மற்றும் ஜோர்ஜினா, தங்களது குடும்ப வாழ்க்கையை தொடர்ந்து வந்த நிலையில் தற்போது திருமண பந்தத்தில் இணைந்துள்ளனர்.

கால்பந்து உலகின் மிகப் பிரபலமான நட்சத்திரங்களில் ஒருவரான கிறிஸ்டியானோ ரொனால்டோவின் திருமணச் செய்தி அவரது ரசிகர்கள் மத்தியில் பெரும் கவனத்தை ஈர்த்துள்ளது.