தவறவிடாதீர்கள்..!உடனே பதிவு செய்யுங்கள்

'மக்கள் செல்வன்' விஜய் சேதுபதி நடிப்பில் பிரம்மாண்டமாக தயாராகும் பான் இந்திய திரைப்படமான 'ஸ்லம்டாக் : 33 டெம்பிள் ரோடு' திரைப்படத்தில்  பொலிவுட் நடிகை தபு ஏற்று நடித்திருக்கும் கதாபாத்திரத்திற்கான பிரத்யேக காணொளி வெளியிடப்பட்டிருக்கிறது.

இயக்குநர் பூரி ஜெகன்நாத் இயக்கத்தில் உருவாகி வரும் 'ஸ்லம்டாக் : 33 டெம்பிள் ரோடு' திரைப்படத்தில் விஜய் சேதுபதி, சம்யுக்தா, தபு ,துனியா விஜய் குமார், பிரம்மாஜி, விடிவி கணேஷ் உள்ளிட்ட பலர் நடித்துள்ளார்கள்.

சாம் கே. நாயுடு ஒளிப்பதிவு செய்திருக்கும் இந்த திரைப்படத்திற்கு ஹர்ஷவர்தன் ராமேஸ்வர் இசையமைத்திருக்கிறார். எக்சன் என்டர்டெய்னராக தயாராகி இருக்கும் இந்த திரைப்படத்தை பூரி கனெக்ட்ஸ் மற்றும் ஜே பி மோஷன் பிக்சர்ஸ் நிறுவனத்தின் சார்பில் தயாரிப்பாளர்கள் பூரி ஜெகன்னாத் - சார்மி கவுர் - ஜே. பி. நாராயன் ராவ் ஆகியோர் இணைந்து தயாரித்திருக்கிறார்கள்.‌

இந்தப் படத்தின் டைட்டில் லுக் -ஃபர்ஸ்ட் லுக் -டீசர் -ஆகியவை வெளியாகி பெரும் வரவேற்பை பெற்ற நிலையில்.. தற்போது வித்தியாசமான காவல்துறை அதிகாரி கௌரி ஹெக்டே எனும் வேடத்தில் நடித்திருக்கும் நடிகை தபுவின் கதாபாத்திரத்தை அறிமுகப்படுத்தும் பிரத்யேக காணொளி வெளியிடப்பட்டிருக்கிறது.

இந்த காணொளியில் அந்த கதாபாத்திரத்தின் வடிவமைப்பு விரிவாகவும்... நேர்த்தியாகவும்... அற்புதமான திரை மொழியில் விவரிக்கப்பட்டிருக்கிறது. இது படத்தை பற்றிய எதிர்பார்ப்பை பன்மடங்கு அதிகரித்திருக்கிறது.