தவறவிடாதீர்கள்..!உடனே பதிவு செய்யுங்கள்

உலகின் தற்போதைய நகர்வுகளில் உலகளாவிய பொருளாதார வரைபடம் தீவிர மாற்றங்களைச் சந்தித்து வருகிறது. பல தசாப்தங்களாக நிலைத்திருந்த உலகமயமாதல் கட்டமைப்பு படிப்படியாகத் துண்டாடப்பட்டு, நம்பிக்கைக்குரிய பிராந்தியக் கூட்டாண்மைகள், விநியோகச் சங்கிலிகளின் உறுதித்தன்மை மற்றும் புவிசார் பொருளாதாரப் பாதுகாப்பு ஆகியவற்றுக்கு முன்னுரிமை அளிக்கப்படும் ஒரு புதிய நிலை உருவாகியுள்ளது. இத்தகைய உலகளாவிய சூழலில், உலகப் பொருளாதாரத்தில் அதிவேகமாக வளர்ந்துவரும் பெரும் சக்தியாகத் திகழும் இந்தியாவுடன் பொருளாதார ரீதியாக ஆழமாக ஒருங்கிணைந்து கொள்வது இலங்கை போன்ற நாடுகளுக்கு வெறும் விருப்பத் தெரிவு அல்ல; அது தட்டிக்கழிக்க முடியாத கட்டாயப் பொருளாதாரத் தேவையாகும் என்பதே நிபுணர்களின் கருத்தாக அமைந்திருக்கிறது.