தவறவிடாதீர்கள்..!உடனே பதிவு செய்யுங்கள்

நவீனப்படுத்தப்பட்ட திரையுலகில் ஒரு திரைப்படத்தை உருவாக்குவதற்கு எழுபதிற்கும் மேற்பட்ட துறை நிபுணர்களின் பங்களிப்பு அவசியமாகிறது.

இந்நிலையில் இந்த அனைத்து துறைகளிலும் ஒற்றை ஆளாய் பணியாற்றி உலக சாதனையை படைத்திடும் வகையில் பன்முக திறன் வாய்ந்த கலைஞரான சங்ககிரி ராஜ்குமாரின் நடிப்பில் உருவான 'ஒன் மேன்' படத்தின் வெளியீட்டு திகதி அதிகாரப்பூர்வமாக அறிவிக்கப்பட்டுள்ளது.

சங்ககிரி ராஜ்குமார் இயக்கத்தில் உருவாகியுள்ள 'ஒன் மேன்' திரைப்படத்தில் சங்ககிரி ராஜ்குமார் பல வேடங்களில் நடித்திருக்கிறார். 

ஒளிப்பதிவு, இசை உள்ளிட்ட அனைத்து பணிகளையும் அவரே திறம்பட மேற்கொண்டிருக்கிறார். இந்த திரைப்படம் எதிர்வரும் 21 ஆம் திகதி முதல் உலகம் முழுவதும் படமாளிகையில் வெளியாகிறது.

படத்தை பற்றி இயக்குநர் பேசுகையில், '' இப்படத்தில் நான் மட்டுமே பணியாற்றினேன். ஒவ்வொரு காட்சியையும் எப்படி உருவாக்கினேன்? என்பதை மற்றொரு கமெரா மூலமாக முழுமையாக பதிவு செய்து வைத்திருக்கிறேன்.

இந்தத் திரைப்படம் ரசிகர்களிடம் வரவேற்பை பெறும் என்ற நம்பிக்கையுடன் காத்திருக்கிறேன்'' என்றார்.