தவறவிடாதீர்கள்..!உடனே பதிவு செய்யுங்கள்

ரசிகர்களின் பெரும் எதிர்பார்ப்பில் இருக்கும் 'கே ஜி எஃப்' புகழ் பான் இந்திய நடிகரான யாஷ் முதன்மையான வேடத்தில் நடித்திருக்கும் 'டாக்ஸிக்' திரைப்படத்தின் முன்னோட்டம் வெளியாகி, ஒரு கோடிக்கும் மேலான டிஜிட்டல் பார்வைகளை பெற்று சாதனை படைத்து வருகிறது.

இயக்குநர் கீது மோகன் தாஸ் இயக்கத்தில் உருவாகியுள்ள 'டாக்ஸிக்' திரைப்படத்தில் யாஷ், நயன்தாரா,  கியாரா அத்வானி, தாரா சுதாரியா, ருக்மணி வசந்த், ஹூமா குரேஷி உள்ளிட்ட பலர் நடித்திருக்கிறார்கள். 

ராஜீவ் ரவி ஒளிப்பதிவு செய்திருக்கும் இந்த திரைப்படத்திற்கு ரவி பஸ்ரூர்- விஷால் மிஸ்ரா ' தனிஷ் பக்ஸி ஆகியோர் இணைந்து இசையமைத்திருக்கிறார்கள். கொமர்சல் என்டர்டெய்னராக தயாராகி இருக்கும் இந்த திரைப்படத்தை கே வி என் புரொடக்ஷன்ஸ் மற்றும் மான்ஸ்டர் மைண்ட் கிரியேசன்ஸ் ஆகிய நிறுவனங்கள் இணைந்து தயாரித்திருக்கிறது.

எதிர்வரும் 26 ஆம் திகதி முதல் உலகம் முழுவதும் பட மாளிகையில் பான் இந்திய திரைப்படமாக இந்திய மொழிகளில் வெளியாகும் இந்த திரைப்படத்தின் முன்னோட்டம் வெளியிடப்பட்டிருக்கிறது. 

இதில் உறவுகளுக்குள் நிகழும் துரோகங்கள், சதி, சூழ்ச்சி, அதிகாரம் ஆகியவை தொடர்பான காட்சிகள் உணர்வுபூர்வமாக இடம் பிடித்திருப்பதால் ரசிகர்களின் வரவேற்பை பெற்றிருக்கிறது.