தவறவிடாதீர்கள்..!உடனே பதிவு செய்யுங்கள்

இந்தியாவை விட இலங்கையே அதிகமாக தாராளமயமாக்கலை செய்திருக்க வேண்டும். இலங்கை பொருளாதாரத்தைத் திறந்ததாகக் கூறினாலும், அது உண்மையில் ஒரு திறந்த பொருளாதாரமாக இருக்கவில்லை. சற்று தளர்த்தினீர்களே தவிர, பல கட்டுப்பாடுகளைத் தக்க வைத்துக்கொண்டீர்கள் என்று இந்தியாவின் பொருளாதார நிபுணரும் முன்னாள் பிரதமர் மன்மோகன் சிங்கின் காலத்தில் திட்டமிடல் குழுவின் தலைவராகவும் பணியாற்றிய மொன்டெக் சிங் அலுவாலியா தெரிவித்தார். இலங்கை இந்திய வர்த்தக சங்கம் ஏற்பாடு செய்திருந்த இந்தியா அழைக்கிறது வர்த்தக மாநாடு கடந்த வியாழக்கிழமை கொழும்பு தாஜ் சமுத்ரா ஹோட்டலில் நடைபெற்றது. அதில் பேச்சாளராக பங்கேற்ற மொன்டெக் அலுவாலியாவுடன் கேசரி நடத்திய விசேட நேர்காணலிலேயே அவர் இதனை குறிப்பிட்டார்.