தவறவிடாதீர்கள்..!உடனே பதிவு செய்யுங்கள்

விற்பனை செய்வதற்காகக் கஜமுத்துக்களைத் தம்வசம் வைத்திருந்த இரு சந்தேகநபர்கள் கஹட்டகஸ்திகிலிய - திம்பிரிவெவ பகுதியில் வைத்து கைது செய்யப்பட்டுள்ளனர்.

விமானப்படை புலனாய்வுப் பிரிவினருக்குக் கிடைத்த இரகசியத் தகவலுக்கு அமைய, மேற்கொள்ளப்பட்ட விசேட முற்றுகை நடவடிக்கையின் போதே இவர்கள் கைது செய்யப்பட்டுள்ளனர்.

கைது செய்யப்பட்ட சந்தேகநபர்களிடமிருந்து 90 இலட்சம் ரூபா  பெறுமதிக்கு விற்பனை செய்வதற்குத் தயார் நிலையில் வைக்கப்பட்டிருந்த இரண்டு கஜமுத்துக்கள் வனஜீவராசிகள் திணைக்கள அதிகாரிகளால் கைப்பற்றப்பட்டுள்ளன.

கைது செய்யப்பட்ட சந்தேகநபர்கள் கஹட்டகஸ்திகிலிய நீதவான் நீதிமன்றத்தில் ஆஜர்படுத்தப்பட்டதை அடுத்து, சந்தேகநபர்களை எதிர்வரும் ஆகஸ்ட் 21 ஆம் திகதி வரை விளக்கமறியலில் வைக்குமாறு நீதிமன்றம் உத்தரவிட்டுள்ளது.