தவறவிடாதீர்கள்..!உடனே பதிவு செய்யுங்கள்

வவுனியா - புளியங்குளம் மற்றும் தொம்பே ஆகிய பொலிஸ் பிரிவுகளுக்குட்பட்ட பகுதிகளில் நேற்று வெள்ளிக்கிழமை (07) இடம்பெற்ற இரு வேறு வீதி விபத்துக்களில் இருவர் உயிரிழந்துள்ளனர்.

வவுனியா - யாழ்ப்பாணம் பிரதான வீதி

வவுனியா - யாழ்ப்பாணம் பிரதான வீதியின் பரசன்குளம் பகுதியில், வீதியோரத்தில் நிறுத்தப்பட்டிருந்த டிப்பர் வாகனத்தின் பின்புறத்தில் அதே திசையில் பயணித்த லொறி ஒன்று மோதி விபத்துக்குள்ளானது.

இவ்விபத்தில் பலத்த காயமடைந்த லொறியின் உதவியாளர் வவுனியா வைத்தியசாலையில் அனுமதிக்கப்பட்ட போதிலும், அவர் ஏற்கனவே உயிரிழந்துவிட்டதாக வைத்திய வட்டாரங்கள் தெரிவித்தனர்.

இவ்வாறு உயிரிழந்தவர் கொட்டதெனியாவ பகுதியைச் சேர்ந்த 37 வயதுடைய நபர் ஆவார்.

ஹங்வெல்ல - பூகொட வீதி

ஹங்வெல்ல - பூகொட வீதியின் கிரிதர சந்தைக்கு அருகில் பூகொட திசையை நோக்கிப் பயணித்த பஸ் ஒன்று, எதிர்வந்த முச்சக்கரவண்டி நேருக்கு நேர் மோதி விபத்துக்குள்ளானது.

இவ்விபத்தில் படுகாயமடைந்த முச்சக்கரவண்டி சாரதி மற்றும் அதில் பயணித்த இரு பெண்கள் தொம்பே வைத்தியசாலையில் அனுமதிக்கப்பட்ட நிலையில், சாரதி சிகிச்சைப் பலனின்றி உயிரிழந்தார்.

உயிரிழந்தவர் பூகொட பகுதியைச் சேர்ந்த 58 வயதுடைய நபர் ஆவார். விபத்துடன் தொடர்புடைய பஸ்ஸின் சாரதி கைது செய்யப்பட்டுள்ளார்.

இவ்விரு விபத்துக்கள் தொடர்பிலும் புளியங்குளம் மற்றும் தொம்பே பொலிஸார் மேலதிக விசாரணைகளில்  ஈடுபட்டு வருகின்றனர்.