தவறவிடாதீர்கள்..!உடனே பதிவு செய்யுங்கள்

ராகம பொலிஸ் பிரிவிற்குட்பட்ட பொடி வீகும்புற பகுதியில் மேற்கொள்ளப்பட்ட திடீர் சோதனையின் போது, 150 லீற்றர் (200 போத்தல்கள்) சட்டவிரோத மதுபானத்துடன் சந்தேகநபர் ஒருவர் கைது செய்யப்பட்டுள்ளார்.

வாலாணை மத்திய ஊழல் தடுப்புப் பிரிவினருக்குக் கிடைத்த இரகசியத் தகவலுக்கு அமைய, நேற்று (05) புதன்கிழமை  காலையில் இச்சோதனை நடவடிக்கை முன்னெடுக்கப்பட்டது.

இதன்போது கைது செய்யப்பட்ட சந்தேகநபர், மேலதிக சட்ட நடவடிக்கைகளுக்காக ராகம பொலிஸ் நிலையத்தில் ஒப்படைக்கப்பட்டுள்ளார்.

கைது செய்யப்பட்டவர் நாகொட, கந்தானை பகுதியைச் சேர்ந்த 65 வயதுடையவர் ஆவார்.

மேலும், இச் சம்பவம் தொடர்பான மேலதிக விசாரணைகளில் ராகம பொலிஸார் ஈடுபட்டு வருகின்றனர்.