தவறவிடாதீர்கள்..!உடனே பதிவு செய்யுங்கள்

இன்றைய திகதியில் பாடசாலையில் பயிலும் மாணவர்கள் முதல் உயர் பொறுப்பில் பணியாற்றும் மூத்த அதிகாரிகள் வரை நாளாந்தம் வெவ்வேறு நிகழ்வுகள் காரணமாக மன அழுத்தம் ஏற்படுவது தவிர்க்க முடியாததாயி வருகிறது.

இந்த தருணத்தில் மன அழுத்தத்தை சமச்சீராக பராமரிக்கவில்லை என்றால் அது மனச்சோர்வு - மன உளைச்சல் - மனக்கஷ்டம்-  கவலை-  உளவியல் பாதிப்பு - என அதன் தாக்கம் தொடர்ந்து வீரியத்துடன் நீடிக்கும்.

இதன் காரணமாக எம்மில் பலரும் மன அழுத்தம் ஏற்பட்டால்... அதனை திசை திருப்புவதற்கு ஏதேனும் பொழுதுபோக்கு நடவடிக்கைகளில் கவனம் செலுத்துவர். ஆனால் போட்டிகள் அதிகமாகிவிட்ட இந்த காலகட்டத்தில்.. மன அழுத்த மேலாண்மை என்பது அவசியமானதாகி வருகிறது. இதற்காக எம்முடைய ஆன்மீக முன்னோர்கள் ஒரு சூட்சமமான வழிபாட்டை மேற்கொள்ள வேண்டும் என பரிந்துரை செய்திருக்கிறார்கள்.

வெள்ளிக்கிழமைகளில் ராகு கால வேளையில் அருகில் இருக்கும் துர்க்கை அம்மன் , சூலம் ஏந்திய காளி தேவி ஆகிய பெண் தெய்வ ஆலயத்திற்கு சென்று 51- 54- 108 - என்ற கணக்கிலான எலுமிச்சம் பழத்தை வாங்கி, அதனை மாலையாக கோர்த்து, துர்க்கை அம்மனுக்கோ அல்லது காளி தேவிக்கோ சாற்றி மனதெளிவை வழங்கிட வேண்டும் என பிரார்த்தித்தால் உங்களுடைய பிரார்த்தனை வெற்றி பெறும். 

வெள்ளிக்கிழமை ராகு கால வேளையில் சந்திரன்- சுக்கிரன்- ராகு -ஆகியோரின் ஆதிக்கம் அதிகமாக இருப்பதால்... இவை மன அழுத்தத்தை வெளியேற்றி மனத் தெளிவை வழங்குகிறது. இதன் காரணமாகவே பெண்களுக்கு வெள்ளிக்கிழமைகளில் ராகு கால வேளையில் வழிபட வேண்டும் என எம்முடைய முன்னோர்கள் வரையறை செய்தனர்.

  அவர்கள் மனதெளிவுடன் இருந்தால்தான் இந்த பூவுலகம் ஆரோக்கியமாக இயங்கும்.‌ மனத் தெளிவு பிறந்தால்... செல்ல வேண்டிய பாதை குறித்த தெளிவும் ...விசாலமான பார்வையும் கிடைப்பதுடன் மன அழுத்தத்தை மேலாண்மை செய்து வெற்றி பெறலாம்.

தொகுப்பு: சுபயோக தாசன்