தவறவிடாதீர்கள்..!உடனே பதிவு செய்யுங்கள்

'திபெத்தியர்களின் சுய தீக்குளிப்பு சம்பவங்கள் ஏதோ ஒரு வெற்றிடத்தில் எதேச்சையாக நிகழ்வதில்லை என்றும், தங்களின் மீதான மனித உரிமை மீறல்களை உலகிற்கு உணர்த்த வேறு எந்த வழியும் இல்லை என்ற தீவிர விரக்தியின் எல்லையிலேயே இத்தகைய கொடூரமான உயிர்த்தியாக முடிவுகளை அவர்கள் எடுக்கிறார்கள் என்றும் சர்வதேச மனித உரிமை அமைப்புகள் சுட்டிக்காட்டுகின்றன. அத்துடன், சுமார் ஒரு மில்லியன் திபெத்திய குழந்தைகள் தங்களின் பெற்றோர் மற்றும் குடும்பங்களிடம் இருந்து பலவந்தமாகப் பிரிக்கப்பட்டு, சீன அரசின் தங்கிப் படிக்கும் பாடசாலைகளில் சேர்க்கப்பட்டு, அவர்களின் தாய்மொழி, மதம் மற்றும் கலாச்சாரம் திட்டமிட்டு அழிக்கப்படுகிறது' 'திபெத் விவகாரம் உலக நாடுகளின் கவனத்தில் இருந்தும் ஊடகங்களின் தலைப்புச் செய்திகளில் இருந்தும் மெல்ல மெல்ல மறைந்து வருவதற்குப் பல்வேறு ஆழமான புவிசார் அரசியல் காரணிகள் பின்னணியாக அமைந்துள்ளன. இதில் முதலாவதாக, ஐக்கிய நாடுகள் சபையில் சீனாவின் நிதிப் பங்களிப்புகள் அதிகரித்துள்ளமை, ஐ.நா முகவர் நிலையங்களின் தலைமைப் பதவிகளில் சீனப் பிரதிநிதிகள் அங்கம் வகிப்பது மற்றும் அமைதி காக்கும் படைகளில் அவர்களின் பங்களிப்பு மூலமாக சீனா சர்வதேச அமைப்புகளின் மீது தனது பிடியை வலுவாக இறுக்கியுள்ளது. இது மனித உரிமைகள் தொடர்பான உணர்திறன் மிக்க விவாதங்களைத் தன் விருப்பப்படி மாற்றியமைக்கவும் அல்லது முற்றாக முடக்கவும் சீனாவிற்குப் பெரும் உதவியாக அமைகிறது'