தவறவிடாதீர்கள்..!உடனே பதிவு செய்யுங்கள்

இலங்கையின் அரசியல் களத்தில் ஒரு அரிதான அதிசயம் வியாழக்கிழமை நிகழ்ந்தது. எதிர்க்கட்சியின் அனைத்து முக்கிய தலைவர்களும் ஒரே மேசையில் ஒன்றாக அமர்ந்திருந்தனர். யாராலுமே சாதிக்க முடியாத இந்த விடயத்தை, அநுர குமார திசாநாயக்கவின் அரசாங்கமே வெற்றிகரமாக சாதித்துக் காட்டியிருக்கிறது. அரசாங்கத்தின் நடவடிக்கைகளே இந்த எதிரெதிர் துருவங்களை ஒரே புள்ளியில் இணைய வைத்திருக்கின்றன. சட்டத்தின் ஆட்சியையும் நீதிமன்றத்தின் சுயாதீனத்தையும் பாதுகாப்பதற்காக எதிர்க்கட்சிகளின் கூட்டமைப்பை உருவாக்குதல் என்பதே இந்த சிறப்புமிக்க சந்திப்பின் பிரதான கருப்பொருளாக இருந்தது. தமிழ் மற்றும் முஸ்லிம் கட்சித் தலைவர்களும் மிகவும் உற்சாகத்துடன் இதில் கலந்து கொண்டது இதன் முக்கியத்துவத்தை மேலும் கூட்டியது.