தவறவிடாதீர்கள்..!உடனே பதிவு செய்யுங்கள்

இந்திய பிரதமர் நரேந்திர மோடியின் உத்தியோகபூர்வ இல்லம் அருகே நடைபெற்ற போராட்டத்தின் போது, காங்கிரஸ் கட்சியின் மக்களவை எதிர்க்கட்சித் தலைவர் ராகுல் காந்தி, காங்கிரஸ் பொதுச்செயலாளர் பிரியங்கா காந்தி மற்றும் சமாஜ்வாதி கட்சித் தலைவர் அகிலேஷ் யாதவ் உள்ளிட்ட முக்கிய எதிர்க்கட்சித் தலைவர்களை டெல்லி பொலிஸார் கைது செய்துள்ளனர்.

நீட் தேர்வு முறைகேடுகள் தொடர்பான சர்ச்சை மற்றும் மாணவர்களின் போராட்டங்கள் மீது பொலிஸார் மேற்கொண்ட நடவடிக்கைகளுக்கு எதிர்ப்பு தெரிவித்து, நாடாளுமன்றத்திலும் வெளிப்புறத்திலும் எதிர்க்கட்சிகள் தொடர் போராட்டங்களில் ஈடுபட்டு வருகின்றன.

இந்நிலையில், காங்கிரஸ் தலைவர் மல்லிகார்ஜுன் கார்கே, ராகுல் காந்தி மற்றும் பிரியங்கா காந்தி ஆகியோரின் தலைமையில், டெல்லியில் உள்ள லோக் கல்யாண் மார்க்கில் அமைந்துள்ள பிரதமரின் அதிகாரப்பூர்வ இல்லத்தை நோக்கி எதிர்க்கட்சிகள் பேரணியாகச் சென்றனர்.

பிரதமர் இல்லம் முன்பாக தொடர் தர்ணா போராட்டத்தில் ஈடுபட எதிர்க்கட்சித் தலைவர்கள் திட்டமிட்டிருந்ததாக தெரிவிக்கப்படுகிறது. எனினும், பாதுகாப்பு காரணங்களால் அங்கு குவிக்கப்பட்டிருந்த டெல்லி பொலிஸார், போராட்டத்தில் ஈடுபட்ட தலைவர்களையும் ஆதரவாளர்களையும் தடுத்து நிறுத்தினர்.

இjid, ராகுல் காந்தி, பிரியங்கா காந்தி, அகிலேஷ் யாதவ் உள்ளிட்ட முக்கிய எதிர்க்கட்சித் தலைவர்கள் கைது செய்யப்பட்டு, பொலிஸ் பேருந்துகள் மூலம் அங்கிருந்து அழைத்துச் செல்லப்பட்டனர்.

இந்த திடீர் கைது நடவடிக்கையைத் தொடர்ந்து, புதுடெல்லியின் முக்கிய பகுதிகளில் பலத்த பொலிஸ் பாதுகாப்பு ஏற்பாடுகள் செய்யப்பட்டுள்ளதுடன், அரசியல் பதற்றமும் பரபரப்பும் நிலவி வருகின்றன.

இதனிடையே, நீட் தேர்வு முறைகேடுகள் மற்றும் மாணவர் போராட்டங்கள் தொடர்பாக மத்திய அரசின் நடவடிக்கைகளுக்கு எதிராக எதிர்க்கட்சிகள் தங்களது போராட்டத்தை தொடரப்போவதாக அறிவித்துள்ளன.