தவறவிடாதீர்கள்..!உடனே பதிவு செய்யுங்கள்

அரசாங்கத்தினால் முன்மொழியப்பட்டுள்ள அரச சார்பற்ற நிறுவனங்கள் தொடர்பான சட்டமூலம் மிகவும் கடுமையான ஒன்றாகும். பயங்கரவாதத்துக்கு நிதியளித்தல் மற்றும் பணச்சலவை போன்ற பிரச்சினைகளை கையாள்வதை நோக்கமாகக் கொண்ட நாடுகளுக்கு இடையிலான அமைப்பான 'நிதி நடவடிக்கை பணிக் குழுவின்' தேவைகளுக்கு இணங்குவதற்கு அரச சார்பற்ற நிறுவனங்களை ஒழுங்குபடுத்துவது அவசியம் என்பதே அரசாங்கத்தின் நியாயப்படுத்தலாகும். எவ்வாறாயினும், தற்போதைய வடிவத்தில் இந்த சட்டமூலம் அரசாங்கத்தின் சீர்திருத்த நிகழ்ச்சி நிரலை பரந்தளவில் ஆதரிக்கும் பல அரச சார்பற்ற நிறுவனங்களைக் கூட அரசாங்கத்திடமிருந்து தூர விலக்கலாம். அத்துடன் அரசாங்கம் சர்வாதிகாரப் போக்கைக் கொண்டிருப்பதாக விமர்சகர்கள் முன்வைக்கும் குற்றச்சாட்டுகளையும் இது உறுதிப்படுத்துவதாக அமையும். மறுபுறம், அரச சார்பற்ற நிறுவனங்கள் அரசாங்கத்தின் இத்தகைய கடுமையான கட்டுப்பாடுகளுக்கு முகங்கொடுப்பது இது முதல் முறையல்ல......