தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

எஸ்எஸ்சி மைதானத்தில் நேற்று இரவு நடைபெற்ற 3ஆவது லங்கா பிறீமியர் லீக் கிரிக்கெட் போட்டியில் கலம்போ கெப்ஸ் அணியை எதிர்த்தாடிய கோல் கெலன்ட்ஸ் அணி 5 விக்கெட்களால் மிக இலகுவாக வெற்றியீட்டியது.

அப் போட்டியில் முதலில் துடுப்பெடுத்தாடிய கலம்போ கெப்ஸ் 20 ஓவர்களில் 8 விக்கெட்களை இழந்து 189 ஓட்டங்களைப் பெற்றது.

அணித் தலைவர் குசல் மெண்டிஸ் மிகத் திறமையாகத் துடுப்பெடுத்தாடி 2 பவுண்டறிகள், 7 சிக்ஸ்களுடன் 79 ஓட்டங்களைக் குவித்தார்.

மத்திய வரிசையில் பென் மெக்டமட் 57 ஓட்டங்களைப் பெற்றார்.

அவர்கள் இருவரும் 4ஆவது விக்கெட்டில் 97 ஓட்டங்களைப் பகிர்ந்தனர்.

பந்து வீச்சில் ஆக்கிப் ஜாவேட் 40 ஓட்டங்களுக்கு 4 விக்கெட்களைக் கைப்பற்றினார்.

பதிலுக்கு துடுப்பெடுத்தாடிய கோல் கெலன்ட்ஸ் அணி 19.2 ஓவர்களில் 5 விக்கெட்களை இழந்து 191 ஓட்டங்களைப் பெற்று வெற்றியீட்டியது.

சாம் ஹாப்பர் 65 ஓட்டங்களையும் சஹான் ஆராச்சிகே 38 ஓட்டங்களையும் சரித் அசலன்க 28 ஓட்டங்களையும் பெற்றனர்.

பந்துவீச்சில் வனுஜ சஹான் 19 ஓட்டங்களுக்கு 2 விக்கெட்களையும் ஹசன் மஹ்முத் 31 ஓட்டங்களுக்கு 2 விக்கெட்களையும் கைப்பற்றினர்.

ஆட்டநாயகன்: சாம் ஹாப்பர்