தவறவிடாதீர்கள்..!உடனே பதிவு செய்யுங்கள்

தமிழ் சினிமாவில் நம்பிக்கை அளிக்கும் வகையில் வளர்ந்து வரும் இளம் நடிகரான லியோ சிவக்குமார் கதையின் நாயகனாக முதன்மையான வேடத்தில் நடித்திருக்கும் 'டெலிவரி பாய்' திரைப்படத்தில் இடம் பெற்ற 'செங்காத்தியே' எனும் பாடலும் , பாடலுக்கான லிரிக்கல் விடியோவும் வெளியிடப்பட்டிருக்கிறது.

இயக்குநர் நானி இயக்கத்தில் உருவாகியுள்ள 'டெலிவரி பாய்' திரைப்படத்தில் லியோ சிவக்குமார், ராதிகா சரத்குமார், பிரிகிடா சாகா, காளி வெங்கட், ஜென்சன் திவாகர், போஸ் வெங்கட், துஷ்யந்த் ,உதயா தீப் உள்ளிட்ட பலர் நடித்திருக்கிறார்கள். அசோக் குமார் ராஜ் மற்றும் பிரசன்னா எஸ். குமார் ஆகியோர் ஒளிப்பதிவு செய்திருக்கும் இந்த திரைப்படத்திற்கு கே. எஸ். சுந்தரமூர்த்தி இசையமைத்திருக்கிறார். கொமர்ஷல் என்டர்டெய்னராக தயாராகி இருக்கும் இந்த திரைப்படத்தை அசாஸி கிரியேஷன்ஸ் மற்றும் சாண்டி டாக்கீஸ் ஆகிய நிறுவனங்கள் சார்பில் தயாரிப்பாளர்கள் அமுதா லியோனி மற்றும் லெனின் மாதேஸ்வரன் ஆகியோர் இணைந்து தயாரித்திருக்கிறார்கள்.

அனைத்து பணிகளும் நிறைவடைந்து வெளியீட்டிற்காக காத்திருக்கும் இந்த திரைப்படத்தில் இடம் பெற்ற 'என்னம்மா நிக்கிறா சீனிக்காரி.. என்னமோ பண்ணுறா நெஞ்சில் ஏறி..' எனத் தொடங்கும் பாடலும், பாடலுக்கான லிரிக்கல் விடியோவும் வெளியிடப்பட்டுள்ளது. இந்த பாடலை பாடலாசிரியர் மோகன் ராஜா எழுத பின்னணி பாடகர் விஷ்ணு ராம் பாடியிருக்கிறார். இந்த பாடலில் கிராமிய பின்னணியிலான காட்சிகளும் நடனங்களும் ரசிகர்களை வெகுவாக கவர்ந்திருக்கிறது. இதன் காரணமாக இந்த பாடல் வெளியான குறுகிய கால அவகாசத்திற்குள் பெருவாரியான டிஜிட்டல் பார்வைகளை பெற்று சாதனை படைத்து வருகிறது.