தவறவிடாதீர்கள்..!உடனே பதிவு செய்யுங்கள்

நாட்டின்  வடக்கு, வடமத்திய, வடமேல் மாகாணங்களுக்கும் மாத்தளை, ஹம்பாந்தோட்டை மற்றும் திருகோணமலை ஆகிய மாவட்டங்களுக்கும் பலத்த காற்று வீசக்கூடும் என வளிமண்டலவியல் திணைக்களம் "அம்பர்" (Amber) நிற எச்சரிக்கை விடுத்துள்ளது.

சனிக்கிழமை  (18) விடுக்கப்பட்டுள்ள இந்த எச்சரிக்கை, ஞாயிற்றுக்கிழமை (19) முற்பகல் 11.00 மணி வரை அமலில் இருக்கும்.

தீவிரமடைந்துள்ள தென்மேற்கு பருவக்காற்று நிலைமை காரணமாக, வடக்கு, வடமத்திய மற்றும் வடமேல் மாகாணங்களிலும் மாத்தளை, ஹம்பாந்தோட்டை மற்றும் திருகோணமலை மாவட்டங்களிலும் அவ்வப்போது மணித்தியாலத்திற்கு 40-50 கிலோமீட்டர் வேகத்தில் பலத்த காற்று வீசக்கூடும் என எதிர்பார்க்கப்படுகிறது.

அதற்கமைய, இது குறித்து வளிமண்டலவியல் திணைக்களத்தால் வெளியிடப்படும் எதிர்கால எச்சரிக்கைகள் குறித்து பொதுமக்கள் அவதானத்துடன் இருக்குமாறு கேட்டுக்கொள்ளப்பட்டுள்ளனர்.