தவறவிடாதீர்கள்..!உடனே பதிவு செய்யுங்கள்

(நெவில் அன்தனி)

காலி சர்வதேச விளையாட்டரங்கில் நடைபெற்றுவரும் 19 வயதுக்குட்பட்ட இலங்கை - இந்தியா அணிகளுக்கு இடையிலான முதலாவது இளையோர் டெஸ்ட் கிரிக்கெட் போட்டியில்  இலங்கைக்கு இந்தியா உறுதியான பதில் அளித்துள்ளது.

19 வயதுக்குட்பட்ட இலங்கை அணி முதல் இன்னிங்ஸில் 9 விக்கெட்களை இழந்து 424 ஓட்டங்களைப் பெற்றது.

பதிலுக்கு துடுப்பெடுத்தாடிவரும் 19 வயதுக்குட்பட்ட இந்தியா அணி இன்றைய 3ஆம் நாள் ஆட்ட நேர முடிவில் 3 விக்கெட்களை இழந்து 378 ஓட்டங்களைப் பெற்றிருந்தது.

லக்ஷியா ராய்சாந்தனி, சாகர் விர்க் ஆகிய இருவரும் அபார சதங்களைக் குவித்ததுடன் முதலாவது விக்கெட்டில் 295 ஓட்டங்களைப் பகிர்ந்து இந்தியா இளையோர் அணியை பலப்படுத்தினர்.

லக்ஷியா ராய்சாந்தனி 21 பவுண்டறிகள், 3 சிக்ஸ்கள் உட்பட 196 ஓட்டங்களுடன் ஆட்டம் இழக்காதுள்ளார்.

சாகர் விர்க் 134 ஓட்டங்களைப் பெற்று ஆட்டம் இழந்தார்.