தவறவிடாதீர்கள்..!உடனே பதிவு செய்யுங்கள்

'இந்தியாவின் எரிசக்தி பாதுகாப்பு  (Energy Security)   தேவைகள் அதிகரித்து வரும் நிலையில், இலங்கையின் திருகோணமலை இயற்கை உறைவிடத் துறைமுகம் மற்றும் அங்குள்ள எண்ணெய் தொட்டி வளாகம் மூலோபாய முக்கியத்துவம் பெறுகின்றன. இந்திய-ஜப்பான் கூட்டணியானது பிராந்திய உள்கட்டமைப்பு மேம்பாட்டிற்கு நிதியுதவி வழங்க முன்வந்துள்ள சூழலில், திருகோணமலையை ஒரு பிராந்திய ஆற்றல் சக்தி மையமாக மாற்றுவதற்கான முதலீடுகள் அதிகரிக்கக்கூடும். மேலும், இந்தியா மற்றும் இலங்கைக்கு இடையிலான மின்சாரக் கட்டமைப்பு இணைப்பு மற்றும் புதுப்பிக்கத்தக்க ஆற்றல் திட்டங்கள், இந்தியாவின் பசுமைப் பொருளாதார வளர்ச்சியோடு இலங்கையை நேரடியாகப் பிணைக்கின்றன ' 'இந்தியா மற்றும் ஜப்பான் போன்ற மத்திய சக்திகள் பிராந்தியப் பாதுகாப்பிற்கான முழுப் பொறுப்பையும் ஏற்கத் தயாராகி வருகின்றன. முன்னாள் ஜப்பானிய பிரதமர் ஷின்சோ அபேயின் 'இரு கடல்களின் சங்கமம்'  (Confluence of the Two Seas)  என்ற கோட்பாட்டின் அடிப்படையில் உருவான சுதந்திரமான மற்றும் திறந்த இந்தோ-பசிபிக் பார்வையை தற்போதைய பிரதமர் தகைச்சி தற்கால யதார்த்தத்திற்கு ஏற்ப மாற்றியமைத்துள்ளார். இது இந்தியாவின் கிழக்கு நோக்கிய கொள்கை 'மகாசாகர்' கடல்சார் பார்வை மற்றும் இந்தோ-பசிபிக் பெருங்கடல்கள் முன்முயற்சி ஆகியவற்றுடன் கச்சிதமாகப் பொருந்துகிறது. இதன் மூலம் குவாட் அமைப்பு என்பது அமெரிக்காவால் வழிநடத்தப்படும் ஒரு இராணுவக் கூட்டணி அல்ல, மாறாக ஒரே மாதிரியான சிந்தனையுடைய ஜனநாயக நாடுகளின் தன்னாதிக்கக் கூட்டாண்மை என்பது மீண்டும் நிரூபிக்கப்பட்டுள்ளது '