தவறவிடாதீர்கள்..!உடனே பதிவு செய்யுங்கள்

பதுளை மாவட்டத்தில் உள்ள தனியார் மருத்துவ ஆய்வகங்களில் பெருமளவிலான காலாவதியான மருத்துவ உபகரணங்கள் மற்றும் இரசாயன பொருட்கள் கைப்பற்றப்பட்டுள்ளன. 

நுகர்வோர் விவகார அதிகார சபையின் அதிகாரிகள் நடத்திய அதிரடி சோதனைகளின் போதே இவை கைப்பற்றப்பட்டுள்ளன. 

நுகர்வோர் விவகார அதிகார சபையின் பதுளை மாவட்ட அலுவலக அதிகாரிகளால் தியத்தலாவை, பண்டாரவளை மற்றும் பதுளை ஆகிய நகரங்களில் இரண்டு நாட்களாக இந்தச் சோதனை நடவடிக்கைகள் முன்னெடுக்கப்பட்டன.

இந்த ஆய்வுகளின் போது, காலாவதி திகதியைத் தாண்டிய பின்னரும் பல நிலையங்களில் வைத்திருக்கப்பட்டிருந்த பல்வேறு மருத்துவப் பொருட்கள் மற்றும் இரசாயனங்களை அதிகாரிகள் கைப்பற்றியுள்ளனர்.

மருத்துவத் துறையில் இவ்வாறான காலாவதியான இரசாயனப் பொருட்கள் மற்றும் உபகரணங்களைப் பயன்படுத்துவது கடுமையான சட்ட மீறலாகும் என அதிகாரிகள் சுட்டிக்காட்டியுள்ளனர்.

இதனைத் தொடர்ந்து, சம்பந்தப்பட்ட தனியார் மருத்துவ ஆய்வகங்களுக்கு எதிராக சட்ட நடவடிக்கை எடுக்கப்படும் என நுகர்வோர் விவகார அதிகார சபை உறுதிப்படுத்தியுள்ளது.