தவறவிடாதீர்கள்..!உடனே பதிவு செய்யுங்கள்

தெமட்­ட­கொடை பகுதியில் மஞ்சள் கட­வையில் பாதை மாறிக்­கொண்­டி­ருந்த தாயையும் மக­ளையும் காரில் வேக­மாக வந்து மோதி உயி­ரி­ழக்க செய்த சம்­பவம் தொடர்பில் கைது செய்­யப்­பட்ட 15 வய­து­டைய சிறுவன் மற்றும் சிறுவனின் தாய் ஆகி­யோரை பிணையில் செல்ல நீதி­மன்றம் அனு­மதி வழங்­கி­யுள்­ளது. அத்­துடன் பாதிக்­கப்­பட்ட தரப்­பான கொல்­லப்­பட்ட பெண்ணின் மூத்த மக­ளுக்கு 2 இலட்சம் ரூபா கருணைக் கொடை வழங்­கவும் நீதி­மன்றம் சந்­தேக நபர்­க­ளுக்கு உத்­த­ர­விட்­டது.

குறித்த விபத்தின் போது காரை செலுத்­தி­ய­தாக கூறப்­படும் 15 வய­து­டைய மொஹம்மட் ஷரீப் மொஹம்மட் பாரூக் மற்றும் அவ­ருக்கு காரை செலுத்­து­வ­தற்கு அனு­ம­தித்து காரின் திறப்பை வழங்­கிய அவ­ரது தாயா­ரான 35 வய­து­டைய சகீலா பானு மொஹம்மட் சலீம் ஆகி­யோ­ருக்கே கொழும்பு மேல­திக நீதிவான் (போக்கு வரத்து) சந்­தன கலல் சூரிய இவ்­வாறு பிணையில் செல்ல நேற்று அனு­மதி வழங்­கினார்.

தலா 10 ஆயிரம் ரூபா ரொக்கப் பிணை­யிலும் 10 இலட்சம் ரூபா பெறு­ம­தி­யான இரு சரீரப் பிணை­க­ளிலும் இவர்களுக்கு பிணை வழங்கப்பட்டுள்ளது. கடந்த 16 ஆம் திகதி சனிக்­கி­ழ­மை­யன்று இடம்­பெற்ற இந்த விபத்து தொடர்­பி­லான வழக்கு நேற்று கொழும்பு மேல­திக நீதிவான் (போக்­கு­வ­ரத்து) சந்­தன கலல் சூரிய முன்­னி­லையில் விசா­ர­ணைக்கு எடுத்­துக்­கொள்­ளப்­பட்­டது. இதன் போது விஷேட அடை­யாள அணி­வ­குப்பும் இடம்­பெற்­றது. அடை­யாள அணி வகுப்பின் போது சாட்­சி­யா­ளர்கள் இருவர் 15 வய­தான சிறு­வ­னையும் அவன் தாயையும் அடை­யாளம் காட்­டினர்.

இதன் போது சிறுவன் மற்றும் தாய் ஆகியோர் சார்பில் ஆஜ­ரான சட்­டத்­த­ரணி தமது தரப்­பி­ன­ருக்கு பிணை வழங்­கு­மாறு நீதி­வா­னிடம் கோரிக்கை விடுத்தார்.

இது தொடர்பில் ஆராய்ந்த நீதிவான் கடும் நிபந்­த­னை­க­ளுடன் பிணை வழங்க சம்­ம­தித்தார். அதன்­படி 15 வய­தான சிறுவன் மற்றும் தாய்க்கு தலா 10 ஆயிரம் ரூபா ரொக்கப் பிணையும் 10 இலட்சம் ரூபா பெறு­ம­தி­யான தலா இரு சரீரப் பிணை­க­ளிலும் செல்ல நீதிவான் சம்­ம­தித்தார். அத்­துடன் 15 வய­தான சிறுவன் மற்றும் அவ­னது தாய் ஆகி­யோ­ருக்கு வெளி நாடு செல்ல தடை வித்த நீதிவான் சந்­தன கலல்­சூ­ரிய, பாதிக்­கப்­பட்ட தரப்­புக்கோ அல்­லது சாட்­சி­யா­ளர்­க­ளுக்கோ ஏதேனும் ஒரு வகையில் அழுத்­தங்­க­ளையோ அச்­சு­றுத்­தல்­க­ளையோ பிர­யோ­கித்தால் பிணையை ரத்து செய்து மீண்டும் விளக்­க­ம­றி­யலில் வைப்­ப­தாக எச்­ச­ரித்தார்.

இந் நிலையில் தாயையும் தனது சகோ­த­ரி­யையும் இந்த விபத்­தினால் இழந்­துள்ள இறந்த பெண்னின் மூத்த மக­ளுக்கு இரண்டு இலட்சம் ரூபா கருணை கொடையை வழங்க சந்­தேக நப்ர்­க­ளுக்கு உத்­தரவிட்ட நீதிவான் இது குறித்த வழக்கை எதிர்­வரும் பெப்­ர­வரி மாதம் 25 ஆம் திக­திக்கு ஒத்தி வைத்தார்.

கடந்த 16 ஆம் திகதி இரவு 8.50 மணி­ய­ள­வில்­தெ­மட்­ட­கொடை பொலிஸ் பிரி­வுக்கு உட்­பட்ட பேஸ்லைன் வீதியின் மவுன்ட் மேரி பிர­தே­சத்தில் மஞ்சள் கட­வையில் பாதை மாறிக்­கொண்­டி­ருந்த தாயும் மகளும் 15 வய­து­டைய சிறுவன் செலுத்­திய காரில் மோதி பரி­தா­ப­க­ர­மாக உயி­ரி­ழந்­தி­ருந்­தனர்.

சம்­ப­வத்தில் ரி 20 தோட்டம், பேஸ்லைன் வீதி கொழும்பு 8 என்ற முக­வ­ரியில் வசித்து வந்த வீர­சிங்க ஆரச்­சி­லாகே அனுலா (வயது 47), அவ­ரது 10 வய­தான மகள் சமாதி ரஸ்­மிகா ஆகி­யோரே உயி­ரி­ழந்­துள்­ளனர். காரை செலுத்­தி­ய­தாக கூறப்­படும் 15 வய­து­டைய மொஹம்மட் ஷரீப் மொஹம்மட் பாரூக் மற்றும் அவ­ருக்கு காரை செலுத்­து­வ­தற்கு அனு­ம­தித்து காரின் திறப்பை வழங்­கிய அவ­ரது தாயா­ரான 35 வய­து­டைய சகீலா பானு மொஹம்மட் ஷரீப் ஆகியோர் சந்­தேக நப்ர்­க­ளாக பெய­ரி­டப்பட்டு கைதுசெய்யப்பட்டனர். அவர்களுக்கு எதிராகவே கொழும்பு மேலதிக நீதிவான் முன்னிலையில் விசாரணைகள் இடம்பெற்ரு வருகின்றன.