தவறவிடாதீர்கள்..!உடனே பதிவு செய்யுங்கள்

நகைச்சுவை நடிகராக பிரபலமாகி கதையின் நாயகனாக நடித்து வணிகரீதியான வெற்றி படங்களை வழங்கி திரைப்படத்துறையில் சந்தை மதிப்புள்ள நட்சத்திர நடிகர் என்ற அந்தஸ்துடன் வலம் வரும் சதீஷ் கதையின் நாயகனாக நடித்திருக்கும் 'பத்து நாள் ராஜா' எனும் புதிய திரைப்படத்தின் படப்பிடிப்பு நிறைவடைந்ததாக படக்குழுவினர் உற்சாகத்துடன் தெரிவித்துள்ளனர்.

இயக்குநர் குரு சரவணன் இயக்கத்தில் உருவாகி வரும் ' பத்து நாள் ராஜா' திரைப்படத்தில் சதீஷ், ஆதி சாய்குமார்,  அதியா பிரசாத், ஸ்ரீ ரஞ்சனி உள்ளிட்ட பலர் நடித்திருக்கிறார்கள்.

மனோஜ் பரஹம்சா ஒளிப்பதிவு செய்திருக்கும் இந்த திரைப்படத்திற்கு ஜிப்ரான் வைபோதா இசையமைத்திருக்கிறார். ஃபேமிலி என்டர்டெய்னராக தயாராகி இருக்கும் இந்த திரைப்படத்தை எஸ் ஜி எஸ் புரொடக்ஷன்ஸ் நிறுவனம் சார்பில் தயாரிப்பாளர் ஜி. சுரேஷ் தயாரித்திருக்கிறார்.

சில கட்டங்களாக நடைபெற்று வந்த இப்படத்தின் படப்பிடிப்பு முழுமையாக நிறைவடைந்தது என்றும், விரைவில் இப்படத்தின் டீசர் வெளியாகும் என்றும் படக்குழுவினர் மகிழ்ச்சியுடன் தெரிவித்துள்ளனர்.