தவறவிடாதீர்கள்..!உடனே பதிவு செய்யுங்கள்

'நவீன உலக அரசியல் சூழலில், பிரான்ஸ் ஜனாதிபதி இம்மானுவேல் மெக்ரோன் இந்தியப் பெருங்கடலில் இலங்கையின் புவிசார் அரசியல் முக்கியத்துவத்தை மிகச்சரியாகக் கணித்து அதற்கேற்ப காய்களை நகர்த்தி வருகிறார். இலங்கை வரலாற்றில் முன்னெப்போதும் இல்லாத வகையில் எதிர்கொண்ட மிக மோசமான பொருளாதார நெருக்கடி மற்றும் வீழ்ச்சி நிலையின் போது, இலங்கையின் சர்வதேசக் கடன் மறுசீரமைப்புப் பணிகளை விரைவுபடுத்துவதற்காகப் 'பாரிஸ் கிளப்' அமைப்பின் ஊடாக ஜனாதிபதி மெக்ரோன் தனிப்பட்ட முறையில் தலையிட்டு பெரும் வசதிகளைச் செய்து கொடுத்தார். இதன் காரணமாகவே இலங்கையினால் சர்வதேச நாணய நிதியத்துடனான ஒப்பந்தத்தை மிக வெற்றிகரமாக எட்ட முடிந்தது. அந்த இக்கட்டான காலகட்டத்தில், பிரான்சில் நடைபெற்ற புதிய உலகளாவிய நிதி உச்சி மாநாட்டில் பங்கேற்குமாறு அப்போதைய ஜனாதிபதி ரணில் விக்ரமசிங்கவுக்கு பிரான்ஸ் அதிகாரப்பூர்வ அழைப்பு விடுத்திருந்தது'