தவறவிடாதீர்கள்..!உடனே பதிவு செய்யுங்கள்

ஐக்கிய மக்கள் சக்தியினதும் ஐக்கிய தேசியக் கட்சியினதும் ஆதரவாளர்கள், இரு கட்சிகளினதும் உள்வீட்டு அரசியல் நகர்வுகள் குறித்து மிகுந்த ஆர்வத்துடன் இருக்கிறார்கள் என்பது நீண்டநாட்களாக அறிந்த ஒரு விடயமாகும். ஆரம்பத்திலிருந்தே இந்த இரு பிரதான சக்திகளும் எப்போது உத்தியோகபூர்வமாக ஒன்றிணையும் என்ற பலத்த எதிர்பார்ப்பு இரு தரப்பு ஆதரவாளர்களிடையேயும் இருந்து வந்தது. இதற்கு முன்னர் பல சந்தர்ப்பங்களில் இரு கட்சிகளினாலும் இதற்கென குழுக்கள் நியமிக்கப்பட்டு, பேச்சுவார்த்தைகள் நடத்தப்பட்ட போதிலும், பல்வேறு காரணங்களால் அவை யாவும் தோல்வியிலேயே முடிந்தன. ஐக்கிய மக்கள் சக்தியின் பிரதிநிதிகள் இதற்காக நேர்மையான முயற்சிகளை எடுத்த போதிலும், ஐக்கிய தேசியக் கட்சியின் உள்ளே இருக்கும் இருவர் அல்லது மூவர் இந்த ஒற்றுமையைச் சீர்குலைக்கச் சதி செய்ததே அந்தத் தோல்விகளுக்குக் காரணமாக அமைந்தது என சில குற்றச்சாட்டுகளும் எழுந்தன.