தவறவிடாதீர்கள்..!உடனே பதிவு செய்யுங்கள்

மேஷம்

விடயம் எதுவாக இருந்தாலும் விரும்பி செய்யும் மேஷ வாசகர்களே!

இம்மாதம் உங்களின் பாக்கிய ஸ்தானத்தை சூரியன் பார்வை இடுவது சிறப்பான பலனாக அமையும். விரைய ஸ்தானத்தையும், விரைய சனியையும் குரு பார்வை இடுவதால் பாதிப்பு எதுவும் இருக்காது மூன்றில் சூரியன் அமர்ந்து கீர்த்தியை தருவார். எடுத்த காரியம் ஜெயம் நினைத்த காரியம் கைகூடும்.

ராசிநாதனே தனஸ்தானத்தில் அமர்வது நல்ல வளர்ச்சிக்கு வழிவகுக்கும். முன் மாதிரியான செயல்களை உண்டாகும். செய்யும் செயலிலும், எடுக்கும் முயற்சியும் கைகொடுக்கும். யாரை நம்பி செயல்பட்டீர்களோ அவர் கடைசியில் கைவிடுவார். எனினும் மனம் தளராமல் அதை முடிப்பீர்கள். பசியோடு இருக்கும் ஏழைகளுக்கு சிறு தான தர்மம் செய்யுங்கள். உங்களுக்கு நல்ல வளர்ச்சியை பெற்று தரும். 

சூரியன் மூன்றில் அமர்ந்து பாக்கிய ஸ்தானத்தை பார்வை இடுவது நல்ல சிறந்த நிர்வாக திறமை செயல்களில். உறுதியான முடிவு எடுத்தல், பேச்சில் கண்ணியம் எடுத்தல் தீர்க்கமான சொற்கள். நேர்மைக்கு துணை நின்று உதவுதல் இருக்கும். புதனுடன் சூரியன் இணைவது கணித மேதைகள்  போல செயல்படும் திறன் உண்டாகும். மாணவர்களுக்கு உயர்கல்வி பயிலும் வாய்ப்பு அமையும். நீங்கள் விரும்பிய பாடமே அமையும். 

சுகஸ்தானத்தில் குரு உச்சம் பெற்று சுக்கிரனுடன் இணைவு பெறுவதால் புதிய வாகனம் வாங்குதல் வீடு கட்டும் வாய்ப்பு அமையும். உடல்நலனில் கவனம் செலுத்த வேண்டி வரும். எதிர்ப்புகள் குறையும். பஞ்சமஸ்தானத்தில் கேது இருப்பது எந்த காரியத்திலும் தடையை ஏற்படுத்துவார். எனினும் நீங்கள் உறுதியுடன் செயல்பட்டு வெற்றி காண்பீர்கள். சுக ஸ்தானாதிபதி சந்திரன் பாக்கிய ஸ்தானத்தில் அமர்வது மிகவும் நல்ல காரியம் நிறைவேறும். லாபஸ்தானத்தில் ராகு அமர்வது தொழிலில் கூடுதல் முன்னேற்றம் உண்டாகும். 

குடும்ப ஒற்றுமைக்கு பாடுபடுவீர்கள். சுமையாக இருந்த சில காரியம் சிறப்பாக அமையும். நல்ல செல்வாக்கு உள்ள அன்பரின் நட்பு உங்களுக்கு பயனுள்ளதாக அமையும். பொது வாழ்வில் சமநிலையை அடைவீர்கள். பணியாளர்களுக்கு வேலை பளு அதிகம் இருக்கும். கலைத்துறையினர் சில நிகழ்ச்சி சிறப்பாக அமையும். முன் எச்சரிக்கையுடன் செயல்படுவது உங்களுக்கு பாதுகாப்பு தரும். தேவைகளுக்கு பண வரவு இருக்கும்.

அதிர்ஷ்ட நிறங்கள்:  

ஓரஞ்சு, வெண்மை, மஞ்சள்.

அதிர்ஷ்ட திசைகள்: 

கிழக்கு, வடமேற்கு, தெற்கு.

அதிர்ஷ்ட கிழமைகள்: 

செவ்வாய், புதன், வெள்ளி.

இம்மாதம் உங்களின் சந்திராஷ்டம நாட்கள்:

23-07-2026 வியாழன் இரவு 10.35 முதல் 26-07-2026 ஞாயிறு காலை 10.03 மணி வரை.

இம்மாதம் நீங்கள் வழிபடவேண்டிய தெய்வங்கள்:

சனிக்கிழமை ராகு காலத்தில் (காலை 09.00 - 10.30) பைரவர் வழிபாடு செய்து எட்டு மண் அகல் விளக்கு நல்லெண்ணெயில் எள் திரி போட்டு தயிர் அன்னம் வைத்து வேண்டிக் கொள்ள சனியின் பாதிப்பு குறையும். எடுத்த காரியத்தில் வெற்றியை தரும்.

ரிஷபம் 

மனதில் பட்டதை மறைக்காமல் சொல்லும் ரிஷப ராசி வாசகர்களே!

இம்மாதம் உங்களின் ராசிநாதன் மூன்றில் அமர்வதால் நலம் பெறுவீர்கள். தனஸ்தானாதிபதி புதன் ஆட்சி பெற்று அமைவதால் பொருளாதாரத்தில் மேன்மையை அடைவீர்கள். நினைத்த படி செயலில் இறங்கி வளம் பெற்று குறுகிய கால வளர்ச்சிக்கு வழிவகுப்பீர்கள். ஆன்மீகம் மற்றும் அரசியலில் நினைத்ததை சாதித்து காட்டுவீர்கள்.

சுகஸ்தானாதிபதி சூரியன் தனஸ்தானத்தில் அமர்ந்து அட்டமஸ்தானத்தை பார்வை இடுவது சிலருக்கு உத்தியோகம் உறுதியாக கிடைக்கும். பொது நலன் கருதி நீங்கள் எடுக்கும் முடிவுகள் சிறப்பான பலனைப் பெற்று தரும். தனாதிபதி புதன் ஆட்சி பெற்று சூரியனுடன் இணைவு பெறுவது போட்டி தேர்வு …சவாலான சில வித பிரச்சனை… என அனைத்தும் உங்களுக்கு சாதகமாக அமையும்.. பொங்கி வரும் வெள்ளம் போல உங்களின் செயல்பாடு வேகமாக அமையும். மூன்றாமிடத்தில் குரு அமர்ந்து லாப ஸ்தானத்தையும், சனியையும் பார்வை செய்வது கடமையிலிருந்து சிறிதும் தவறாமல் பணி செய்வீர்கள். எடுத்த காரியம் தடையின்றி நடக்கும். 

உங்களின் ராசிக்கு யோகாதிபதியான சனி கோச்சாரப்படி லாப ஸ்தானத்தில் வந்து அமர்வது இன்னும் சிறப்பு. எதிர்பாராத தனவரவும், உங்களின் முயற்சிக்கு கூடுதல் பலனும் அமையும். வரவுக்கு மீறிய சில செலவுகளை குறைத்துக் கொள்வீர்கள். ராசிநாதன் சுக்கிரன் கலைத்துறையினருக்கு புதிய வாய்ப்புகளை பெற்று தருவார். நல்ல நடிப்பு துறையில் கைதேர்ந்து செயல்படுபவீர்கள். கேது சுகஸ்தானத்தில் அமர்வது உங்களின் காரியத்திற்கு சில தடைகளாக அமையும். சிறு உடல்நல குறைவு வந்து மறையும். வரவுக்குள் செலவு செய்ய பழகிக் கொள்வீர்கள். 

அட்டமஸ்தானத்தில் சந்திரன் அமர்வது தேவையற்ற விடயங்களை யோசித்து மன உளைச்சலுக்கு ஆளாக வேண்டிவரும். வருவது வரட்டும் போவது போகட்டும் இனி நடப்பது நல்லதாக இருக்கட்டும் என்று எண்ணி மனதில் துணிச்சலுடன் செயல்பட்டால் எல்லாம் சுபமாக அமையும். கொடுத்த வாக்குறுதியை காப்பாற்றுவீர்கள். தனியாக திறமையை வளர்த்துக் கொள்வீர்கள். தொழில் ஸ்தானத்தில் ராகு அமர்ந்து இருப்பது அன்னிய தேசத் தொடர்புகளை உண்டாக்கும். 

வெளிநாட்டு நண்பருடன் இன்றைய நிலவரம் என்ன என்று அறிந்து செயல்படுவது நல்ல பலனை பெற்று தரும். அரசியலில் உங்களின் இலக்கை அடைவீர்கள். லாபஸ்தானத்தில் சனி அமர்ந்து உங்களின் ராசியை பார்வை இடுவது முன்னேற்ற பாதையில் செயல்பட துவங்குவீர்கள். எந்த தொழிலாக இருந்தாலும் போட்டியின்றி அதில் ஈடுபாடு கொண்டால் நினைத்ததை செயல்படுத்துவீர்கள்.

அதிர்ஷ்ட நிறங்கள்:  

வெண்மை, பச்சை, மஞ்சள்.

அதிர்ஷ்ட திசைகள்: 

வெள்ளி, சனி, ஞாயிறு.

அதிர்ஷ்ட கிழமைகள்: 

தெற்கு, தென்கிழக்கு, மேற்கு.

இம்மாதம் உங்களின் சந்திராஷ்டம நாட்கள்:

26-07-2026 ஞாயிறு 10.04 முதல் 28-07-2026 செவ்வாய் இரவு 09.35 மணி வரை..

இம்மாதம் நீங்கள் வழிபடவேண்டிய தெய்வங்கள்:

திங்கள் கிழமை சிவன் கோவில் சென்று இலுப்பெண்ணெய் தீபம் போட்டு புளி சாதம் நைவேத்தியம் வைத்து வேண்டிக் கொள்ள வெகு விரைவில் எல்லா விதமான வேலைகளும் சிரமமின்றி செயல்படும்.

மிதுனம்

மனவலிமையும், அறிவாற்றலும் கொண்டு விளங்கும் மிதுன ராசி வாசகர்களே!

இம்மாதம் உங்களின் ராசிநாதன் புதன் ராசியில் அமர்வதும் தனஸ்தானத்தில் குரு உச்சம் பெற்று தொழில் ஸ்தானத்தை பார்வை இடுவது சிறப்பான முன்னேற்றம் தொழிலிலும், உத்தியோகத்திலும் அமையும். உண்மை நேர்மை சத்தியம் கொள்கையாக கொண்டு விளங்குவீர்கள். எடுத்த காரியம் முடிக்காமல் ஓயமாட்டீர்கள். பொறுப்புடன் தானும் தன்னுடன் இருப்பவர்களும் இருக்க வேண்டுமென்று நினைப்பீர்கள். புதிய சரித்திரத்தை உருவாக்க வேண்டுமென்று முனைப்புடன் செயல்படுவீர்கள்.

ராசிநாதன் புதன் பலம் பெற்று இருப்பதால் எடுத்த காரியம் வெற்றியை தரும். புத்தியுடன் சிரத்தையுடன் செயல்படுவது இன்னும் நல்ல பலனை பெற்று தரும். மூன்றாம் அதிபதி சூரியன் புதனுடன் இணைவது காரிய அனுகூலமும், விடாமுயற்சி எதிலும் எடுத்து வைத்த காலை பின் வைக்காமல் முன்னேக்கி செல்லுவது உங்களின் செயலாக அமையும். விருப்பமான எந்த செயலையும் தள்ளி போட மாட்டீர்கள். வான் உயர பறந்தாலும் தான் வந்த பாதையை மறக்க மாட்டீர்கள். எழுத்து உரிமை, பேச்சுரிமையை என்று கடைபிடித்து வாழ்வில் வளம் பெறுவீர்கள். 

அரசியலில் நல்ல ஆலோசகராக இருப்பீர்கள். சட்ட வல்லுநர்கள் பலவித வழக்குகளில் தீர்வு காண்பீர்கள். பொது விடயங்களில் அதிகமான ஈடுபாடு இல்லை என்றாலும் பிறருக்கு ஒத்துழைப்பு தருவீர்கள். தனஸ்தானத்தில் குரு உச்சமாக அமர்ந்து பூர்வ புண்ணிய ஸ்தானாதிபதி சுக்கிரனுடன் இணைவு பெறுவது பொருளாதாரத்தில் மேன்மை அடைவீர்கள். எதற்கு துணிந்து செயல்பட்டு வாழ்வில் சாதிக்க வேண்டுமென்று ஒரு செயலையும் பார்த்து பார்த்து செயல்படுவீர்கள். சித்த மருத்துவம், கணணி பிரிவுகள், மீடியா, புதிய தொழில் நுட்ப நுணுக்கங்களில் கைதேர்ந்து சுறுசுறுப்பாக செயல்படுவீர்கள். 

முயற்சி ஸ்தானத்தில் கேது அமர்ந்து சில நேரம் நீங்கள் எடுக்கும் முயற்சிக்கு நல்ல பலனை பெற்று தருவார். பாக்கிய ஸ்தானத்தில் ராசி அமர்ந்து செய்யும் தொழிலில் நல்ல முன்னேற்றம் காண்பீர்கள். தனாதிபதி சந்திரன் ராசியை பார்ப்பது பொருளாதார பணபுழக்கம் குறைவின்றி தொழில் நல்ல முன்னேற்றம் உண்டாகும். உங்களுக்கு பிடித்த தொழிலை செய்வீர்கள். கலைத்துறையினருக்கு நல்ல முன்னேற்றம் உண்டாகும். சகோதரர்களின் மூலம் புதிய செலவு உண்டாகும். எதையும் முன் கூட்டியே முடிவு செய்து செயல்படுவது நல்லது. அதிக நேரம் பணி செய்தாலும் ஓய்வு எடுத்து கொள்வது நல்லது.

அதிர்ஷ்ட நிறங்கள்:  

பச்சை, வெண்மை, மஞ்சள்.

அதிர்ஷ்ட திசைகள்: 

மேற்கு, வடமேற்கு, தென்மேற்கு.

அதிர்ஷ்ட கிழமைகள்: 

புதன், வியாழன், வெள்ளி.

இம்மாதம் உங்களின் சந்திராஷ்டம நாட்கள்:

01-07-2026 புதன் பகல் 02.09 முதல் 03.07.2026 வெள்ளி இரவு 11.59 மணி வரையும்.

28-07-2026 செவ்வாய் இரவு 09.36 முதல் 31-07-2026 வெள்ளி காலை 07.37 மணி வரையும்.

இம்மாதம் நீங்கள் வழிபடவேண்டிய தெய்வங்கள்:

செவ்வாய் கிழமைகளில் சுப்ரமணிய சுவாமி வணங்கி இரண்டு இலுப்பெண்ணெய் தீபம் ஏற்றி சிவப்பு நிற பூ வைத்து வேண்டிக் கொள்ள உங்களின் சகல காரியமும் வெற்றி கரமாக அமையும். பொருளாதார தடை நீங்கி சுபிட்சம் பெறுவீர்கள்.

கடகம்

அன்பால் எதையும் சாதித்து காட்டும் வல்லமை பெற்ற கடக ராசி வாசகர்களே!

இம்மாதம் உங்களின் ராசிக்கு ராசிநாதன் சந்திரன் ஆறாமிடத்தில் அமர்ந்து விரைய ஸ்தானத்தை பார்வை இடுவது எதிர்பாராத பொருளாதார பெருக்கத்தை பெற்று தருவார். உங்களின் யோகாதிபதி செவ்வாய் லாப ஸ்தானத்தில் அமர்ந்து ராசிநாதனை பார்வை இடுவது தொழிலில் நல்ல வருமானம் கிடைக்க பெறுவீர்கள். கொடுக்கல், வாங்கல் முதலீடு இல்லாத தொழில்களில் நல்ல வருமானம் கிடைக்கும். அரசியல்வாதிகள்  தொடர்புகள் மூலம்பெரிய மாற்றத்தை சந்திப்பீர்கள். இதுவரை சந்திக்காத நெருக்கடியான சூழ்நிலைகள் வரும்.

உங்களின் ராசியில் குருவுடன் சுக்கிரன் இணைவு பெறுவது சுக்கிரன் சுகஸ்தானாதிபதி என்பதால் புதிய வண்டி வாகனம் வாங்குவது உயர்தரமான வீடுகள் கட்டுதல் ஆடம்பர பொருட்கள் வாங்கும் வாய்ப்பு அமையும். எதையும் சாதிக்கும் மனவலிமையை பெறுவீர்கள். புதிய திட்டங்கள் அமுல்படுத்துதல். ஏற்கனவே தீர்மானம் செய்த காரியங்களை செயல்படுத்தல் போன்ற செயல்களை மேம்படுத்துவீர்கள். ராசியில் குரு உச்சம் பெற்று பூர்வ புண்ணிய ஸ்தானத்தை பார்ப்பதும் பூர்வ புண்ணியாதிபதி செவ்வாய் பார்வை பெறுவது சிறப்பான பலன்களை பெற்று தரும். 

எடுத்த காரியம் வெற்றியைத் தரும். மற்றவர்களுக்கு உதவி செய்வதை பாக்கியமாக கருதுவீர்கள். யாரையும் நம்பிக்கொண்டு இருக்காமல் உங்களின் கடமையை செய்வீர்கள். சிலருக்கு திருமண தடை நீங்கி, திருமணம் நடக்கும். மறுமணம் செய்ய விரும்புவர்களுக்கு அதற்கான வாய்ப்பு கிடைக்க பெறுவீர்கள். தனஸ்தானத்தில் கேது அமர்ந்து பொருளாதாரத்தை பெருக்கி தருவார். கொடுத்த பணத்தை வாங்க பாடாத பாடுபட வேண்டி இருக்கும். தாயார் உடல்நலனில் கவனிக்க வேண்டிவரும். மேலதிகாரிகளிடம் இணக்கமான உறவுகளை கையாண்டு ஒற்றுமையுடன் செயல்படுவீர்கள். 

அட்டம ஸ்தானத்தில் ராகு அமர்ந்து சில நெருக்கடிகளை தருவார். வயதான தாத்தா, பாட்டிகளை நன்கு கவனித்துக் கொள்வது அவசியம். உங்களின் பாக்கிய ஸ்தானத்தில் சனி அமர்ந்திருப்பதும் குரு பார்வை பெறுவதும் கூட்டு முயற்சிகளுக்கு நல்ல பலன் கிடைக்கும். சனி கொடுத்தால் யார் தடுப்பார் எல்லையே இல்லாத இடத்தில் கூட நீங்கள் ஒன்றை திட்டமிட்டு அதனை சிறப்பான நடத்தி கொடுப்பீர்கள். 

லாபஸ்தானத்தில் தொழில் ஸ்தானாதிபதி செவ்வாய் இருப்பது எந்த தொழிலாக இருந்தாலும் அதன் மூலம் கூடுதல் லாபம் பெறுவீர்கள். மாறிவரும் காலத்திற்கு ஏற்ப உங்களின் தொழில் மாறி கொண்டே வரும். மக்களின் விருப்பம் எதுவே அதுவே உங்களின் முதலீடாக இருக்கும். விரையஸ்தானத்தில் விரையாதிபதி புதன் அமர்ந்து ஆறாமிடத்தை பார்வை இடுவது செய்யும் தொழிலிலும் உத்தியோகத்தில் உங்களின் செவ்வாக்கு மென்மேலும் உயரும். பாதுகாப்பான முதலீடு உங்களுக்கு உடன் நல்ல பலனை பெற்று தரும்.

அதிர்ஷ்ட நிறங்கள்:  

வெண்மை, மஞ்சள், ஓரஞ்சு,

அதிர்ஷ்ட திசைகள்: 

வடக்கு, வடமேற்கு. தென்கிழக்கு.

அதிர்ஷ்ட கிழமைகள்: 

திங்கள், செவ்வாய், வியாழன்.

இம்மாதம் உங்களின் சந்திராஷ்டம நாட்கள்:

03-07-2026 வெள்ளி இரவு 12.00 முதல் 06-07-2026 திங்கள் காலை 07.22 மணி வரையும்.

31-07-2026 வெள்ளி காலை 07.38 முதல் 02-08-2026 ஞாயிறு மாலை 03.14 மணி வரை.

இம்மாதம் நீங்கள் வழிபடவேண்டிய தெய்வங்கள்:

சனிக்கிழமைகளில் ஆஞ்சநேயர் வழிபாடு செய்து சிவப்பு செந்தூரம் சாற்றி நெய் தீபம் ஏற்றி அனுமன் சாலிசா சொல்லி வேண்டி கொள்ள நினைத்த காரியம் தடையின்றி நடைபெறும். வளமாகவும் அமையும்.

சிம்மம்

வெளிபடையாக பேசி எதையும் தீர்த்துக் கொள்ள நினைக்கும் சிம்ம ராசி வாசகர்களே!

இம்மாதம் உங்களின் ராசிக்கு ராசிநாதன் சூரியன் லாப ஸ்தானத்தில் அமர்ந்து பூர்வ புண்ணிய ஸ்தானத்தை பார்வை இடுவதால் பூர்வீக சொத்து சார்ந்த சில பேச்சுக்கள் உங்களுக்கு சாகதமாக அமையும். அரசியல் வாதிகளுக்கு எண்ணிய திட்டம் விரைவில் நிறைவேறும். வாழ்விலும் தாழ்விலும் உங்களுடன் பயணம் செய்யும் மனைவி மற்றும் நண்பர்களின் அன்பிற்கு மிகவும் கடமை பட்டவராக இருப்பீர்கள். 

யாரையும் முழுமையாக நம்பி விடும் பழக்கம் உங்களுக்கு சில நேரம் சிறு பாதிப்பை தரும். கவனமுடன் செயல்படுவது நல்லது. ராசியில் அமர்ந்த கேது மக நட்சத்திரத்தில் பயணம் செய்வதால் உடலில் சிவப்பு தழும்பு போல் வேணல் கட்டி வந்து எரிச்சல் தரும். அதுவாக வந்து அதுவாக மறையும். பிறரிடம் வம்பு பிடிவாதம் செய்வதை குறைத்து கொள்வீர்கள். பூர்வ புண்ணிய ஸ்தானத்தில் அமர்ந்து சந்திரன் சூரியனை பார்வை இடுவதால் பணபுழக்கம் தாராளமாக இருக்கும். 

அரசியல் சார்ந்த சில அலுவல்களில் நல்ல முன்னேற்றம் உண்டாகும். தனித்தன்மையுடன் செயல்பட்டு வாழ்விற்கு வளம் பெற செய்வீர்கள். கருத்து வேறுபாடுகளுடன் இருந்த கணவன் மனைவி உறவு மாறி, சுமூகமான நிலைக்கு வருவீர்கள். பொது விடயங்களில் யாரிடமும் சமாதானமாக இல்லாமல் எடுத்த காரியத்தில் பின் வாங்காமல் நேர்மையுடன் நடந்து கொள்வீர்கள். அட்டம சனியாக இருந்தாலும் குரு பார்வை சனிக்கு இருப்பது துன்பம் நேராது. கொடுத்த வாக்குறுதிகளை காப்பாற்றிக் கொள்வீர்கள். 

வருமானத்திற்கு தகுந்தபடி செலவு செய்வதையும் உறுதி செய்வீர்கள். உங்களின் யோகாதிபதி செவ்வாய் தொழில் ஸ்தானத்தில் அமர்ந்து சுகஸ்தானத்தையும் பூர்வ புண்ணியத்தை பார்வை இடுவது மனதிற்கு ஆறுதலையும் தொழில் நல்ல படியான முன்னே்றறம் உண்டாகும். வெளியூர் பயணம் செய்தாலும் நீண்ட ஆன்மீக பயணம் செல்ல வாய்ப்பு கிடைக்கும். கலைத்துறையினருக்கு வெளியூர் நிகழ்ச்சிகள் அமையும். மாணவர்களுக்கு கல்வியில் நல்ல தேர்ச்சியும் விரும்பிய உயர் கல்வி வாய்ப்பு அமையும். 

கூட்டு சார்ந்த தொழிலில் சிலருக்கு பிரச்சனை வந்தாலும் அதுவே சரியாகி விடும். ராசிநாதன் லாபஸ்தானத்தில் புதனுடன் இணைவு பெறுவது செய்யும் தொழிலிலும், உத்தியோகத்திலும் மதிப்பையும் சேர்ந்து வருமான வளர்ச்சியையும் பெறுவீர்கள். அட்டம ஸ்தானாதிபதி குரு விரையத்தில் அமர்வது தடைபட்ட காரியம் கைகூடும். சிலருக்கு ராஜயோக பலன்கள் கிடைக்க பெறுவீர்கள். எதிர்பாராத அதிர்ஷ்டம் கிடைக்கும். எதிரிகள் தானே வந்து அடிபணிவார்கள்.

அதிர்ஷ்ட நிறங்கள்:  

சிவப்பு, பச்சை, ஓரஞ்சு.

அதிர்ஷ்ட திசைகள்: 

கிழக்கு, வடகிழக்கு, தெற்கு.

அதிர்ஷ்ட கிழமைகள்: 

ஞாயிறு, திங்கள், புதன்.

இம்மாதம் உங்களின் சந்திராஷ்டம நாட்கள்:

06-07-2026 திங்கள் காலை 07.23 முதல் 08-07-2026 புதன் பகல் 12.24 மணி வரை.

இம்மாதம் நீங்கள் வழிபடவேண்டிய தெய்வங்கள்:

வியாழக்கிழமைகளில் தட்சணாமூர்த்திக்கு நெய் தீபம், சனிக்கிழமை பைரவருக்கு மூன்று நல்லெண்ணெய் தீபமும் ஏற்றி தொடர்ந்து வழிபட்டு வர நினைத்த காரியம் கைகூடும். வேண்டிய அனைத்தும் வரமாக கிடைக்க பெறுவீர்கள்.

கன்னி

அறிவாற்றலால் எந்த செயலையும் துணிவுடன் செய்யும் கன்னி ராசி வாசகர்களே!

இம்மாதம் உங்களின் ராசிநாதன் புதன் தொழில் ஸ்தானத்தில் ஆட்சி பெற்று அமர்வது மிகவும் சிறப்பான பலனாக அமையும். கண்டக சனியை குரு பார்ப்பதால் கெடுபலன்கள் விட்டு விலகும். எந்த எதிர்ப்பும் வந்தாலும் அதனை எதிர் கொண்டு செயல்படும்  வலிமையை பெறுவீர்கள். குடும்ப மகிழ்ச்சியில் முழு கவனம் செலுத்தி வளம் பெறுவீர்கள். பொது வாழ்விலும் அரசியலிலும் மிக சிறந்த நிர்வாக திறமையை ஏற்படுத்துவீர்கள். குறை சொல்லி பேர் வாங்குபவர்களை அடையாளபடுத்துவீர்கள்.

லாபாதிபதி சந்திரன் சுகஸ்தானத்தில் அமர்வதால் ராசிநாதனை பார்வை இடுவது தொழிலிலும், உத்தியோகத்திலும் முன்னேற்றம் காண்பீர்கள். வரவுக்கு மீறிய செலவுகளை குறைத்து கொள்வீர்கள். யார் பசியோடு வந்தாலும் அவர்களுக்கு உணவு வழங்குவீர்கள். தாயார் உடல் நலன் சிறப்பாக அமையம். நாட்பட்ட நோய்கள் குணமாகும். சமுதாயத்தில் இதுவரை மறைமுகமான எதிரிகள் உங்களை பாதித்த நிலை… இனி படிப்படியாக விலகிவிடும். உங்களின் தனிச்சையான எந்த முடிவும் உங்களுக்கு வெற்றியை பெற்று தரும். 

எந்த சலசலப்புக்கும் அஞ்சாமல் நீங்கள் உங்கள் கடமையை செய்வீர்கள். ஏழாமிடத்தில் சனி இருப்பதால் குடும்பத்தில் சிறு சண்டைகள் வந்தாலும் அது பெரிய அளவில் எந்த வித பாதிப்பையும் தராது. உறவுகளுக்கு மதிப்பை அறித்து வேறு எண்ணங்களுக்கு துணை போகாமல் அன்புடன் இருப்பீர்கள். நண்பர்களின் கூட்டு சில நேரம் நன்மையையும் சில நேரம் தீமையையும் தரும் என்பதால் உற்ற நண்பனாக இருந்தாலும் உங்களின் கொள்கையை விட்டு கொடுக்காமல் செயல்படுவீர்கள்.

அட்டமாதிபதி செவ்வாய் பாக்கிய ஸ்தானத்தில் அமர்வது உங்களுக்கு காரிய சித்தியை பெற்று தரும். சரியான நிலைபாடுகளை எடுப்பீர்கள். குறை சொல்லாதபடி செயல்பட்டு வளம் பெறுவீர்கள். முதலீடு இல்லாத தொழிலில் முன்னேற்றம் காண்பீர்கள். தொழில் ஸ்தானத்தில் ராசிநாதன் புதனுடன் சூரியன் திக் பலம் பெற்று அமர்வது நல்ல வியாபார விருத்தியையும், பொருளாதார பெருக்கத்தையும் பெற்று தரும். 

கலைத்துறையின் காலம் சிறப்பாக அமையும். எந்த நிகழ்ச்சியாக இருந்தாலும் அதில் உங்களுக்கு முக்கியத்துவம் இருக்கும்படி பார்த்துக்கொள்வீர்கள். பாதகாதிபதி குரு பதினொன்றில் அமர்வது பொருளாதாரத்தில் மேன்மை அடைய செய்யும் கருத்து வேறுபாடுகளை மறந்து வெற்றி காண்பீர்கள். யாருக்கும் அடிபணிதல், வெறுப்பு காட்டுதல் போன்ற செயல்களை சொல்ல மாட்டீர்கள். மனிதாபிமான செயல்களை மிகவும் விரும்பி செய்வீர்கள். வெளியூர் வெளிநாடு செல்பவருக்கு இது நல்ல கால சுபிட்சமாக அமையும். தேவைக்கு பணப்புழக்கம் இருக்கும்.

அதிர்ஷ்ட நிறங்கள்:  

பச்சை, வெண்மை, மஞ்சள்.

அதிர்ஷ்ட திசைகள்: 

மேற்கு, வடமேற்கு, தெற்கு.

அதிர்ஷ்ட கிழமைகள்: 

புதன், வியாழன், வெள்ளி.

இம்மாதம் உங்களின் சந்திராஷ்டம நாட்கள்:

08-07-2026 புதன் கிழமை பகல் 12.25 முதல் 10-07-2026 வெள்ளி மாலை 03.45 மணி வரை.

இம்மாதம் நீங்கள் வழிபடவேண்டிய தெய்வங்கள்:

சனிக்கிழமை ராகு காலத்தில் பைரவருக்கு மூன்று நல்லெண்ணெய் தீபமும் எலுமிச்சை பழம் வைத்து சிவப்பு நிற பூ வைத்து வேண்டிக் கொள்ள நீங்கள் எதிர்பாராத காரியம் விரைவில் நடக்கும்.

துலாம்

லட்சியத்தில் உறுதியுடன் நின்று செயல்பட்டு வெற்றி காணும் துலாம் ராசி வாசகர்களே!

இம்மாதம் உங்களின் ராசிக்கு தொழில் ஸ்தானத்தில் ராசிநாதன் அமர்ந்து சுகஸ்தானத்தை பார்வை இடுவது நல்ல பலன்களை பெற்று தரும். கைவினை பொருட்கள் உற்பத்தி விற்பனையில் நல்ல முன்னேற்றம் காண்பீர்கள். தனியாக எதையும் செய்யாமல் சிலருடைய உதவியை நாடி செயல்படுவீர்கள். இதனால் உங்களின் ஆலோசனைகளும், நிலைபாடுகளும் சிறப்பாக அமையும். குடும்ப வளர்ச்சியே முக்கிய நோக்கமாக கொண்டு செயல்பட்டு மேன்மையை அடைவீர்கள்.

தொழில் ஸ்தானாதிபதி சந்திரன் மூன்றில் அமர்ந்து லாபாதிபதி சூரியனை பார்வை இடுவதால் எந்த தொழில் செய்து வந்தாலும் அதில் நல்ல லாபம் பெறுவீர்கள். கலைத் துறையினர் எந்த நிகழ்ச்சியாக இருந்தாலும் அதனை திறம்பட செயல்பட்டு ரசிகர்களின் வரவேற்பை பெறுவீர்கள். ஆன்மீகம் சார்ந்த சில காரியங்கள் உங்களுக்கு சாதகமாக அமையும். சில நேரங்களில் படபடப்பாக இருப்பீர்கள். இதனால் மனஉளைச்சல் பெற்று, பின் அமைதியாக விடுவீர்கள். 

பூர்வ புண்ணிய ஸ்தானத்தில் ராகு அமர்ந்து தடைபட்ட காரியம் தாமதாகும் என்றாலும்.. எந்த காரியத்தையும் தொய்வின்றி செய்வீர்கள். முத்திரை பதித்தது போல் செயல்களை செய்து பலன் பெறுவீர்கள். எதிர்ப்புகள் மறையும். கண்டபடி செயல்பட்ட உங்களின் நண்பர்கள் உங்களை பார்த்து தங்களைத் திருத்திக் கொண்டு மீண்டும் இணைவார்கள். சிறுகடன்கள் பெருங்கடனாக மாற நீங்கள் இடம் கொடுக்காதீர்கள் செய்யும் தொழிலில் புதிய முதலீடுகள் செய்து வளப்படுத்துவதை சில காலம் தள்ளி போடுவது நல்லது. செய்யும் தொழிலை திறம்பட தக்கவைத்துக் கொண்டு செயல்படுவது சிறப்பு.

அட்டம ஸ்தானத்தில் செவ்வாய் அமர்ந்து உங்களுக்கு தடுமாற்றத்தை கொடுத்தாலும் சரியான வழிமுறைகளோடு அதனை சரி செய்து கொள்வீர்கள். சாதனைகளை செய்ய வேண்டுமென்ற ஆர்வம் இருக்கும். கருத்து ஒற்றுமையை வலியுறுத்தி மந்தமான சூழ்நிலைகளை மாற்றி அமைத்துக் கொள்வீர்கள். வசதிகளையும், வாய்ப்புகளையும் தவறாமல் கவனித்து பயன்படுத்திக் கொள்வீர்கள்.

பாக்கிய ஸ்தானத்தில் சூரியனும், புதனும் இணைவு பெற்று அமர்வது.. பேச்சாற்றல், எழுத்து ஆற்றல் மூலம் வேற்றுமை உணர்வு மறந்து நல்ல வளம் பெறுவீர்கள். தொழில் ஸ்தானத்தில் குருவுடன், ராசிநாதன் சுக்கிரன் இணைவு பெறுவது தொழிலை கண்காணித்து வளம் பெறும் வாய்ப்பு அமையும். உத்தியோகத்தில் இருப்பவருக்கு தனக்கு மேல் இருக்கும் அதிகாரிகளின் மூலம் நல்ல பலனை அடைவீர்கள். தங்கம், வெள்ளி நகை வியாபாரிகளுக்கு தொழிலில் நல்ல விற்பனை மூலம் ஆதாயம் பெறுவீர்கள். லாப ஸ்தானத்தில் கேது அமர்வது வெளிநாட்டு தொடர்புகள் மூலம் மேன்மை அடைவீர்கள். சுமையாக இது வரை இருந்த அனைத்தும் இனி சுகமாக அமையும்.

அதிர்ஷ்ட நிறங்கள்:  

வெண்மை, பலவர்ணம், சிவப்பு.

அதிர்ஷ்ட திசைகள்: 

மேற்கு, வடமேற்கு, கிழக்கு.

அதிர்ஷ்ட கிழமைகள்: 

வெள்ளி, சனி, ஞாயிறு.

இம்மாதம் உங்களின் சந்திராஷ்டம நாட்கள்:

10-07-2026 வெள்ளி மாலை 03.46 முதுல் 12-07-2026 ஞாயிறு மாலை 06.13 மணி வரை.

இம்மாதம் நீங்கள் வழிபடவேண்டிய தெய்வங்கள்:

செவ்வாய் கிழமை சுப்ரமணியருக்கு சிவப்பு நிற பூ வைத்து நெய் தீபம் ஏற்றி கந்தர் சஷ்ட கவசம் வாசித்து துவரை பருப்பு சாதம் நைவேத்தியம் வைத்து பக்தர்களுக்கு தானம் செய்து வர வேண்டிய அனைத்து காரியமும் தடையின்றி சிறப்பாக நடக்கும்.

விருச்சிகம்

சுறுசுறுப்பாக எப்பொழுதுமு் இயங்கிக் கொண்டு இருக்கும் விருச்சிக ராசி வாசகர்களே!

இம்மாதம் உங்களின் ராசிக்கு ராசிநாதன் களத்திர ஸ்தானத்தில் அமர்ந்து ராசியை பார்ப்பது சிறப்பான பலன்களை பெற்று தரும். நண்பர்களின் தொடர்பு மேலும் நல்ல வளர்ச்சியை தரும். கருத்து வேறுபாடுகள் மறைந்து நன்மை பெறுவீர்கள். அரசியலில் மாற்றங்களை அமைத்துக் கொள்ள முயற்சி செய்வீர்கள். தொழிற்சங்க நண்பர்களின் உதவி கிடைக்கும்.

உங்களின் ராசிக்கு தனஸ்தானத்தில் சந்திரன் அமர்ந்து பணப்புழக்கத்தை ஊக்குவிப்பார். தாராளமான பொருளாதார நிலை இருக்கும் ராசிக்கு குரு பார்வையை பெறுவது இன்றும் பல நற்பலன்களை பெற வாய்ப்புகள் அமையும். சுகஸ்தானத்தில் ராகு அமர்வது புதிய வாகனம் வாங்குதல். வீடு கட்டுவதற்கு இடவசதிகள், கட்டுமான பொருட்கள் சேகரித்து கொள்வீர்கள். தாயாருக்கு உடல் நலகுறைவு வந்து மறையும். பஞ்சம ஸ்தானத்தில் சனி அமர்ந்து தனஸ்தானத்தையும், லாபஸ்தானத்தையும் பார்ப்பது செய்யும் தொழில் வளர்ச்சியை பெறுவீர்கள். 

காரணமின்றி எந்த செயலையும் செய்ய மாட்டீர்கள். குலதெய்வ வழிபாடு செய்தல், ஆன்மீக சுற்றுலா சென்று வருவது போன்ற வாய்ப்பு அமையும். தொழிற்சங்க சங்கத்தில் முக்கிய பொறுப்பு வசிப்பீர்கள். அதற்காக கடுமையாக உழைத்து அனைவரிடமும் பாராட்டு பெறுவீர்கள். குடும்ப ஒற்றுமைக்கு அயராது பாடுபடுவீர்கள். உங்களின் ஒவ்வொரு முயற்சியும் சாதகமான சூழ்நிலை உருவாக்கும். ஏழாமிடத்து செவ்வாய் உறுதுணையாக இருந்து பல காரியங்களை வளம் பெற செய்வார். 

அட்டம ஸ்தானத்தில் தொழில் ஸ்தானாதிபதி சூரியன் அமர்வது சிலருக்கு அரசு சார்ந்த பணி கிடைக்க வாய்ப்பு அமையும். அரசியலிலும், பொது வாழ்விலும் தனி அந்தஸ்து பெறுவீர்கள். கவலைகளை மறந்து மகிழ்ச்சியாக இருப்பீர்கள். நல்ல காலம் என்பதால் கிடைக்கும் நல்ல வாய்ப்புகளை பயன்படுத்திக் கொள்வீர்கள். அதன் அட்டமத்தில் ஆட்சி பெற்று இருப்பது கடமையை செய்ய உத்தரவு பெறுவீர்கள். காரியம் செய்யும் போது பொது நலனே முக்கியம் என்று தோன்றும் அளவுக்கு ஈடுபாடு கொள்வீர்கள். 

பாக்கிய ஸ்தானத்தில் உச்சம் பெற்று குருவுடன் சுக்கிரன் இணைவு பெறுவது சகல பாக்கியங்களும் தடையின்றி பெறுவதற்கு நல்ல சந்தர்ப்பம் கிடைக்கும். உறுதியான முடிவு எடுப்பது. குறுகிய காலத்தில் முடித்து கொடுப்பது போன்ற செயல்கள் சில நேரம் உங்களையே ஆச்சரியபடுத்தும் கலைத்துறையினருக்கு ஏற்றமான காலமாக அமையும். தொழில் ஸ்தானத்தில் கேது வியாபாரம் சார்ந்து வளர்ச்சிக்கு பக்கபலமாக இருந்து வளம் பெற செய்வார். கிடைத்த இது வைத்து வாழ பழகி கொள்வீர்கள்.

அதிர்ஷ்ட நிறங்கள்:  

ஓரஞ்சு, வெண்மை, மஞ்சள்.

அதிர்ஷ்ட திசைகள்: 

வடக்கு, வடகிழக்கு, தெற்கு.

அதிர்ஷ்ட கிழமைகள்: 

செவ்வாய், வியாழன், வெள்ளி.

இம்மாதம் உங்களின் சந்திராஷ்டம நாட்கள்:

12-07-2026 ஞாயிறு மாலை 06.14 முதல் 14-07-2026 செவ்வாய் இரவு 08.42 மணி வரை.

இம்மாதம் நீங்கள் வழிபடவேண்டிய தெய்வங்கள்:

ஞாயிறு மாலை 04.30 - 06.00 ராகு காலத்தில் நவகிரக தரிசனம் செய்து பைரவருக்கு நல்லெண்ணெய் தீபமிட்டு அரளி பூ சாத்தி தயிர் அன்னம் வைத்து வேண்டிக் கொள்ள சகல காரியமும் சித்தியாகும். கேட்டது தடையின்றி கிடைக்கும்.

தனுசு

மனதில் பட்டதை தயங்காமல் வெளிபடுத்தும் தனுசு ராசி வாசகர்களே!

இம்மாதம் உங்களின் ராசிக்கு ராசிநாதன் குரு அட்டம ஸ்தானத்தில் உச்சம் பெற்று லாபாதிபதி சுக்கிரனுடன் இணைவு பெறுவது எதிர்பாராத வகையில் திடீர் அதிர்ஷ்ட பலன்கள் கிடைக்க பெறுவீர்கள். எதை செய்தாலும் அதற்கு தகுந்த காரணம் கண்டுபிடிப்பீர்கள். சிறு விடயத்தை கூட ஆராய்ச்சி செய்வீர்கள். மனதில் என்ன தோன்றுகிறதோ அதை உடனே செயல்படுத்த வேண்டுமென்று எண்ணுவீர்கள். அர்த்தாஷ்ட சனி குரு பார்வை பெறுவதால் பெரிய பாதிப்பை தராது. கிடைத்த வாய்ப்பை பயன்படுத்திக் கொள்வீர்கள்.

ராசியில் சந்திரன் அமர்ந்து சூரியனையும், புதனையும் பார்வை இடுவதால் செய்யும் செயலில் நுணுக்கமான அனுபவம் இருக்கும். தெளிவான பேச்சும், செயலும் உங்களை பக்குவபடுத்தி காரியத்தை செயல்பட செய்யும். மூன்றில் ராகு அமர்வது மனதில் தைரியமும் காரிய அனுகூலமும் உண்டாகும். சரியான முடிவு எடுப்பது தாமதமின்றி செயல்படுவது நன்மையாக அமையும். அர்த்தாஷ்டம சனி இருந்தாலும் குரு பார்வை பெறுவது.

உங்களின் உடல்நலனில் எந்த பாதிப்பையும் தராது. தாயார் உடல்நலன் மேன்மை அடையும் சிறு வியாதிகள் கூட விரைவில் குணம் அடையும். வசதிகளை பெறும் வகையில் உங்களின் செயல்பாடு அமையும். பஞ்சமாதிபதி செவ்வாய் ஆறில் அமர்வது உங்களின் எதிரிகளில் பலகீனம் உங்களின் பலமாக அமையும். கொடுத்த வாக்குறுதிகளை நிறைவேற்றி தருவீர்கள். உழைப்பிற்கு தகுந்த ஊதியம் கிடைக்கும். செய்யும் தொழிலில் தடைகள் நீங்கி சில நேரம் பழைய தொழிலை செய்ய முயற்சி எடுப்பீர்கள். உங்களின் யோகாதிபதியான சூரியன் பார்வை ராசிக்கு இருப்பது தொழிலில்  முன்னேற்றம் அமைய வாய்ப்பு அமையும்.

அரசியலிலும், பொது வாழ்விலும் ஆர்வம் கொண்டு இனி செயல்படுவீர்கள். அரசியலில் நல்ல ஆலோசகராக இருப்பீர்கள். பிறருக்கு உதவி செய்வதில் கவனம் செலுத்துவீர்கள். புத்தியுள்ளவன் பலவான் ஆவான் என்பது போல சமயத்திற்கு தகுந்தபடி செயல்களில் வேகம் காட்டுவீர்கள். புத்துணர்வுடன் செயல்படுவீர்கள். அட்டம ஸ்தானத்தில் ராசிநாதன் குரு அமர்ந்து தன ஸ்தானத்தை பார்வை இடுவது வரவுக்கு வழிவகுக்கும். சொந்த முயற்சியால் நல்ல முன்னேற்றம் கொண்டு செயல்படுவீர்கள். 

சுக்கிரன் பார்வை தன ஸ்தானத்தில் அமைவதால்.. கொண்ட கொள்கையை விட்டு கொடுக்காமல் செய்யும் செயலில் நேர்மையுடன் எடுத்த காரியத்தை மேலோங்கி செயல்படுவீர்கள். பாக்கிய ஸ்தானத்தில் கேது அமர்ந்து யோகாதிபதி சூரியனை பார்ப்பது முன்னேற்ற பாதையில் செல்வதற்கு உறுதுணையாக அமையும். கலைத்துறையினருக்கு சிறு உதவிகள் கிடைக்கும். நல்ல நிகழ்ச்சிக்கு சென்று வருவீர்கள். பொருளாதார சூழ்நிலைக்கு தகுந்தபடி உங்களில் வளர்ச்சி அதிகரிக்கும். குடும்ப ஒற்றுமை பாதுகாப்பாக இருக்கும்.

அதிர்ஷ்ட நிறங்கள்:  

மஞ்சள், வெண்மை, சிவப்பு,

அதிர்ஷ்ட திசைகள்: 

கிழக்கு, தென்கிழக்கு, வடக்கு.

அதிர்ஷ்ட கிழமைகள்: 

வியாழன், வெள்ளி, ஞாயிறு.

இம்மாதம் உங்களின் சந்திராஷ்டம நாட்கள்:

14-07-2026 செவ்வாய் இரவு 08.43 முதல் 16-07-2026 வியாழன் இரவு 12.03 மணி வரை.

இம்மாதம் நீங்கள் வழிபடவேண்டிய தெய்வங்கள்:

வியாழக்கிழமை தட்சணாமூர்த்தி வழிபாடு செய்து மஞ்சள் பூ வைத்து நெய் தீபம் ஏற்றி எலுமிச்சை சாதம் வைத்து வேண்டி கொள்ள தடைபட்ட பணவரவு சீக்கிரம் கிடைக்கும். தொழிலில் நல்ல லாபம் கிடைக்கும்.

மகரம்

வைராக்கியமும், மனவலிமையும் உங்களின் வாழ்வில் மலர செய்யும் மகர ராசி வாசகர்களே!

இம்மாதம் உங்களின் ராசிக்கு ராசிநாதன் சனி மூன்றில் அமர்ந்து எடுக்கும் முயற்சிக்கு பக்க பலமாக அமைவார். கொடுத்த வாக்குறுதிகளை சீக்கிரம் நிறைவேற்றி தருவார். யோகாதிபதி சுக்கிரன் பார்வை ராசிக்கு அமைவது சிறப்பான வளர்ச்சியைப் பெற்று தரும். அரசியலில் முக்கிய பங்கு வசிப்பீர்கள். எதிர்பாராத தனவரவு கிடைக்க பெறுவீர்கள். சம பலமுள்ள நண்பர்களின் மூலம் வெற்றி பாதையை அடைவீர்கள். கூட்டு தொழிலில் முன்னேற்றம் காண்பீர்கள். பொது நிகழ்ச்சிகளில் உங்களின் பலத்தை காட்டுவீர்கள்.

தனஸ்தானத்தில் அமர்ந்த ராகு பொருளாதார வளர்ச்சிக்கு உறுதுணையாக இருப்பார். அதே நேரத்தில் எம்முடைய தடிப்பான பேச்சு மூலம் சிலரது பகையை உண்டாக்கி கொள்வீர்கள் என்பதால்… யாரையும் குறை கூறும் முன் சற்று கவனமுடன் இருப்பது நல்லது. மூன்றில் சனி யோக சனியாக செயல்படுவதும் குரு பார்வை பெறுவதால் சனி மேலும் பலம் பெற்று அமைவதும். உங்களின் செயல்களுக்கு பக்க பலமாக அமையும். யாரையும் நம்பி கொண்டு செயல்படாமல் உங்களின் முயற்சியால் வாழ்வில் முன்னேற்றம் காண்பீர்கள். பூர்வீக சொத்துகள் அந்த பிரச்சனை பேசி தீர்க்கும் படி அமையும். 

சகோதரர்கள் இணைக்கமுடன் இதற்கு ஒத்துழைப்பு தருவார்கள். முறையான வழிமுறை களை கடைபிடித்து காரியத்தில் அனுகூலம் பெறுவீர்கள். பஞ்சமஸ்தானத்தில் செவ்வாய் அமர்ந்து லாபஸ்தானத்தை பார்ப்பது தொழிலிலும், உத்தியோகத்திலும் மேன்மை பெறுவீர்கள். பணிபுரியும் இடத்தில் உங்களுக்கென்று மரியாதையும், வரவேற்பும் இருக்கும். ஆறாமிடத்தில் சூரியன் அமர்வது எட்டாமிட அதிபதி சூரியன் என்பதால் கெட்டவன் கெட்டிடில் கிட்டிடும் ராஜயோகம் என்பது போல நல்ல அதிர்ஷ்டபலன் கிடைக்க பெறுவீர்கள். அதிகார அமைப்புகள் உங்களிடம் ஆலோசனை பெறுவார்கள். 

உங்களுக்கென்று ஒரு பாதையை வகுத்துக் கொள்வீர்கள். புதன் சேர்ந்து இருப்பது புத்தி கூர்மையுடன் செயல்படுவது ஆராய்ச்சியில் ஈடுபடுவது உங்களின் பலமாக அமையும். குரு பார்வை ராசிக்கு இருந்தாலும் குருவுக்கு ராசி நீச வீடாக இருப்பதால்.. குருவின் பலம் உங்களுக்கு நன்மையும், தீமையும் உண்டாகும். இருந்தாலும் குரு எப்பொழுதும் கெடுபலன்கள் அதிகம் தராத ராசி என்பதால் பலகீனமும், பலமும் சேர்ந்தே அனுபவிப்பீர்கள். சுக்கிரன் ராசியை பார்ப்பது பலமாக அமையும். யோகாதிபதியின் சுக்கிரன் ராசியை பார்ப்பது நன்மை பயக்கும். 

குறிப்பாக கலைத்துறையினருக்கு நல்ல காலமாக அமையும். நடிப்பு, பாடல் எழுதுதல், வசனம் தேர்ச்சி பெறுவீர்கள். தொழிற்சங்க பொறுப்புகளை சரியாக செய்வீர்கள். வேற்றுமையை மறந்து அனைவரையும் அரவணைத்து கொண்டு செயல்படுவீர்கள். அட்டமஸ்தானத்தில் கேது அமர்வது தனித்துவமாக செயல்படுவீர்கள். பொறுப்புகளை உணர்ந்து அதற்கு தகுந்தபடி செயல்படுவீர்கள். கொள்கையில் பிடிப்புடன் இருப்பீரகள்.

அதிர்ஷ்ட நிறங்கள்:  

நீலம், மஞ்சள், வெண்மை.

அதிர்ஷ்ட திசைகள்: 

தெற்கு, தென்கிழக்கு, வடமேற்கு.

அதிர்ஷ்ட கிழமைகள்: 

சனி, வியாழன், வெள்ளி.

இம்மாதம் உங்களின் சந்திராஷ்டம நாட்கள்:

16-07-2026 வியாழன் இரவு 12.04 முதல் 19-07-2026 ஞாயிறு அதிகாலை 05.09 மணி வரை.

இம்மாதம் நீங்கள் வழிபடவேண்டிய தெய்வங்கள்:

வெள்ளி, செவ்வாய் கிழமைகளில் அம்மன் வழிபாடு செய்து வெள்ளை நிற பூ வைத்து நெய் தீபமேற்றி பழவகைகளும் வைத்து வேண்டிக் கொள்ள சகல காரியமும் தடை நீங்கி சீக்கிரம் நடக்கும். பொருளாதாரமும் மேன்மை அடையும்.

கும்பம்

உறுதியும், தன்னம்பிக்கையும் கொண்டு விளங்கும் கும்ப ராசி வாசகர்களே!

இம்மாதம் உங்களின் ராசிக்கு ராசிநாதன் தன ஸ்தானத்தில் அமர்ந்தும் சனியை குரு பார்வை இடுவது பொருளாதாரத்தில் மேன்மை அடையவும். தொழிலில் நினைத்தபடி வருமானத்தை அதிகரிக்கவும். நல்ல சந்தர்ப்பம் அமையும். ராசியில் ராகு இருப்பது அடிக்கடி ஞாபக மறதி வரும் என்பதால் அன்றாட பணிகளை குறிப்பு எடுத்துக் கொள்வது நல்லது. சோதனை காலங்களை கூட எளிதில் எடுத்து கொள்வீர்கள். மனதில் எதையும் வைத்துக் கொள்ளவே மாட்டீர்கள். புர்வ புண்ணியாதிபதி புதன் ஆட்சி பெற்று சூரியன் இணைவு பெறுவது. கூட்டு தொழில் சிறப்பாக அமையும். 

ஓன்லைன் வர்த்தகம் நன்றாக இருக்கும். பேச்சுக்கு கூட நீங்கள் எதிர்மறையான வார்த்தைகளை பயன்படுத்தாமல் இருப்பது நல்லது. குலதெய்வ வழிபாடு செய்வது முன்னோர்களுக்கு நினைத்து அன்னதானம் இடுவதும் உங்களின் கஷ்டங்களுக்கு நல்ல பலனை பெற்று தரும். மாணவர்களின் உயர்கல்வி கனவு நிறைவேறும். விரும்பிய பாடம் கிடைக்க பெறுவீர்கள். ஆறாமிடத்தில் தன காரகனும், யோகாதிபதி சுக்கிரனும் இணைவு பெறுவது.

வங்கி மூலம் கடன் பெறுதல், வாங்கி கடனை அடைத்தல் பொது வாழ்வில் பட்ட அவமானங்களிலிருந்து விடுதலை பெறுதல் போன்ற நிகழ்வுகள் நடக்கும். விரையஸ்தானத்தில் குரு பார்வை இடுவது தேவையற்ற செலவுகள் குறையும். அத்தியவாசியமான சில வேலைகளை தள்ளி போடாமல் உடனே செய்து விடுவது நல்லது. பொது நலன் கருதி சில விடயங்களில் மற்றவர்களுடன் இணைந்து செயல்படுவீர்கள். 

சாதாரண காரியங்களை பொறுமையுடன் செய்து அவசரமான விடயங்களை உடனே செய்வீர்கள். ஏழாமிட கேது கணவன் - மனைவி உறுவுகளில் இணைக்கமாக இருக்க செய்வார். கூட்டாக செய்யும் தொழிலில் சிறுதடை வந்தாலும் அதனை எளிதில் சரி செய்வீர்கள். செய்யும் தொழிலை தெய்வமாக மதிப்பீர்கள். அதே நேரத்தில் தனக்கு விருப்பமான தொழிலை செய்யவே விரும்புவீர்கள். 

லாப ஸ்தானத்தில் சந்திரன் அமர்ந்து இருப்பது பணப்புழக்கம் நன்றாக இருக்கும். வரவேண்டிய இடத்தில் பணம் வந்து சேரும்  தொழில் குரு பார்வையால் ஓரளவுக்கு நன்றாக இயங்கும். கலைத்துறையின் முன்னேற்றம் காண்பீர்கள். சக நண்பர்களிடம் கவனமாக இருந்து உங்களை விட்டு கொடுக்காமல் செயல்படுவீர்கள். மனஅமைதி தரும்.

அதிர்ஷ்ட நிறங்கள்:  

நீலம், ஓரஞ்சு, சிவப்பு.

அதிர்ஷ்ட திசைகள்: 

மேற்கு, தென்கிழக்கு, கிழக்கு.

அதிர்ஷ்ட கிழமைகள்: 

சனி, ஞாயிறு, திங்கள்.

இம்மாதம் உங்களின் சந்திராஷ்டம நாட்கள்:

19-07-2026 ஞாயிறு அதிகாலை 05.10 முதல் 21-07-2026 செவ்வாய் பகல் 12.41 மணி வரை.

இம்மாதம் நீங்கள் வழிபடவேண்டிய தெய்வங்கள்:

சனிக்கிழமை ராகு காலத்தில் பைரவருக்கு மூன்று நல்லெண்ணெய் தீபம் ஏற்றவும். செவ்வாய் கிழமைகளில் சுப்ரமணியருக்கு ஒரு நெய் தீபம் ஏற்றி சிவப்பு நிற பூ வைத்து வேண்டிக் கொள்ள சகல காரியமும் வெற்றியை தரும்.

மீனம்

எதையும் மறைக்காமல் வெளிபடையாக பேசி செயல்படும் மீன ராசி வாசகர்களே!

இம்மாதம் உங்களின் ராசிக்கு ராசிநாதன் குரு பஞ்சம ஸ்தானத்தில் அமர்ந்து ராசியை பார்வை இடுவது மனவலிமையும் தைரியமும் கொண்டு செயல்படுவீர்கள். ஆன்மீக செயல்களில் அதிக ஈடுபாடுகளை கொண்டு செயல்படுவீர்கள். முக்கிய கருத்துகளை மையம் கொண்டு செயலில் ஈடுபடுவீர்கள். ஜென்ம சனி இருப்பதால் உங்களின் ராசிநாதன் பார்வையால் எந்த பாதிப்பும் தராது. குடுமபத்தில் உண்டாகும். குழப்பங்களை கண்டு மன வருத்தம் அடைவீர்கள். குறுகிய காலத்தில் ஏற்பட்ட கஷ்டங்கள் நீங்கும்..

உங்களின் ராசியில் சனி அமர்ந்து இருந்தாலும் உச்ச குருவின் பார்வைபடுவதால் சனியால் எந்த பாதிப்பும் இருக்காது. காலில் பாத எரிச்சல் இருந்து மறையும். தொழிலில் இருந்த நெருக்கடி குறையும். முன்பு இருந்த்து போல் தொழிலில் இனி செயல்பட முடியாது. இன்றைய கால கட்டத்திற்கு தகுந்தபடி தொழிலில் சில நடைமுறைகளை மாற்றி அமைக்க வேண்டும். தனாதிபதி செவ்வாய் மூன்றில் அமர்ந்து உங்களின் முயற்சிகளுக்கு ஒத்துழைப்பை தருவார்.

நீண்ட கால நிலம் சார்ந்த பிரச்சனைக்கு விடாமல் அலைந்து உங்களுக்கு சாதகமாக அமைத்து கொள்வீர்கள். சுகஸ்தானாதிபதியுடன் சூரியன் இணைவு பெறுவது. உடல் உஷ்ணம் சார்ந்த பிரச்சனை உண்டாகி மறையும். கருத்து வேறுபாடுகளுடன் பிரிந்த தம்பதிகளும், நண்பர்களும் இணைவார்கள். மாணவர்களின் கல்வி கனவு நிறைவேறும். அமைதியான சூழ்நிலையை மிகவும் விரும்புவீர்கள். வெளிநாடு பயணம் சிறப்பான வளர்ச்சியைத் தரும்.

பூர்வ புண்ணிய ஸ்தானத்தில் ராசிநாதன் குருவுடன் அட்டம ஸ்தானாதிபதி சுக்கிரன் இணைவு பெறுவது. பொருளாதார நிலையில் நல்ல வளர்ச்சியை பெற்றாலும் ஏதாவது சிறு சிறு தடை வந்து செயல் தாமதமாகும். பொது வாழ்வில் சிலருக்கு ஆர்வம் இருந்தாலும் அதிக ஈடுபாடு கொள்ள மாட்டீர்கள். வரவு செலவு கணக்கிடும் போது உங்களின் பங்கு தாரர்களிடம் வருத்தம் தெரிவிக்க வேண்டி வரும். ஆன்மீகத்தின் ஈடுபாடுகள் அதிகம் இருக்கும்.

தனக்கு வேண்டியதை தானே தேர்வு செய்து கொள்வீர்கள். ஆறாமிடத்தில் கேது அமர்ந்து வயிறு சார்ந்த பிரச்சனைகளை தருவது சிலருக்கு கஷ்டமாக இருக்கும். மருத்துவமனையில் அனைத்து பரிசோதனை செய்த பின்பு உடலில் எதுவும் இல்லை என்று சொன்ன பின்பும் உடலைப் பற்றி கவலைபடுவீர்கள். தொழில் ஸ்தானத்தில் சந்திரன் அமர்ந்து, செய்யும் தொழிலில் கவனம் செலுத்தி.., தேவைகளை பூர்த்தி செய்து கொள்வீர்கள். சொன்ன சொல்லை தட்டாமல் செயல்படுவீர்கள். அனைவரையும் சகித்து கொண்டு, கொடுத்து வாழ்வது உங்களுக்கு பழக்கமாகி விட்ட ஒன்று என்பதும்…. எதையும் பற்றி கவலை படாமல் உங்களின் செயலை செய்து வருவீர்கள்.

அதிர்ஷ்ட நிறங்கள்:  

மஞ்சள், வெண்மை, சிவப்பு,

அதிர்ஷ்ட திசைகள்: 

வடக்கு, வடகிழக்கு, தென்கிழக்கு.

அதிர்ஷ்ட கிழமைகள்: 

வியாழன், ஞாயிறு, திங்கள்.

இம்மாதம் உங்களின் சந்திராஷ்டம நாட்கள்:

21-07-2026 செவ்வாய் பகல் 12.42 முதல் 23-07-2026 வியாழன் இரவு 10.34 மணி வரை.

இம்மாதம் நீங்கள் வழிபடவேண்டிய தெய்வங்கள்:

சனிக்கிழமைகளில் ஆஞ்சநேயர் வழிபாடு செய்து துளசியை சாற்றி நெய் தீபம் ஏற்றி, வர எல்லாம் திறம்பட நடந்து பயம் நீங்கி மனவலிமை பெறுவீர்கள். வெள்ளிக் கிழமைகளில் அம்மன் வழிபாடு செய்து வர நினைத்த காரியம் கைகூடும்.

கணித்தவர்: 

ஸ்ரீ வராஹி அம்மன் உபாசகர் குருஜி ஆனந்தன்

செல் நம்பர் - 0091-9789341554