தவறவிடாதீர்கள்..!உடனே பதிவு செய்யுங்கள்

மாகாண மட்ட விவாதப் போட்டியில் வெற்றி பெற்று முதல் நிலையை அடைந்த வட்டுக்கோட்டை இந்து கல்லூரி தேசிய மட்ட போட்டிக்கு தெரிவு செய்யப்பட்டுள்ளது.

திங்கட்கிழமை (29) நடைபெற்ற மாகாண மட்ட விவாதப் போட்டியானது யாழ். இந்து மகளிர் கல்லூரியில் நடைபெற்றது. 

இதன்போது பரபரப்பான வாதப் பிரதிவாதங்கள் இடம்பெற்ற நிலையில் வட்டு. இந்துக் கல்லூரி விவாத அணி யாழ். இந்துக் கல்லூரி விவாத அணியை தோற்கடித்து தேசிய மட்டப் போட்டிக்கு தகுதி பெற்றது.

இதேவேளை கடந்த வாரம் நடைபெற்ற மாகாண மட்ட அறிவிப்பாளர் போட்டியில் வட்டுக்கோட்டை இந்து கல்லூரி மாணவி அருந்தவன் சரணியா முதல் நிலையை அடைந்து தேசிய மட்டப் போட்டிக்கு தெரிவு செய்யப்பட்டுள்ளமை குறிப்பிடத்தக்கது.

பல சுற்றுப் போட்டிகள் நடைபெற்ற நிலையில் இறுதிப் போட்டிக்கு வட்டு. இந்துக் கல்லூரி எதிர் யாழ். இந்துக் கல்லூரி தெரிவாகியிருந்தது.

வட்டு. இந்துக் கல்லூரி விவாத அணி சார்பில் சந்திரமோகன் ஷைந்தவி, அருந்தவன் சரணியா, றுஜிதா ஆனந்தராசா ஆகியோர் பங்குபற்றியிருந்தமை குறிப்பிடத்தக்கது.