தவறவிடாதீர்கள்..!உடனே பதிவு செய்யுங்கள்

தென்னிந்திய திரையுலகின் முன்னணி நட்சத்திர நடிகையான ஐஸ்வர்யா ராஜேஷ் கதையின் நாயகியாக வித்தியாசமான வேடத்தில் நடித்திருக்கும்' ஓ! சுகுமாரி' படத்தின் டீசர் வெளியாகி, பத்து மில்லியனுக்கும் மேற்பட்ட பார்வையாளர்களால் பார்வையிடப்பட்டு சாதனை படைத்து வருகிறது.

இயக்குநர் பாரத் தர்ஷன் இயக்கத்தில் உருவாகியுள்ள 'ஓ! சுகுமாரி' திரைப்படத்தில் திருவீர், ஐஸ்வர்யா ராஜேஷ், ஆனந்த் உள்ளிட்ட பலர் நடித்திருக்கிறார்கள். சி. ஹெச். குசேந்தர் ஒளிப்பதிவு செய்திருக்கும் இந்த திரைப்படத்திற்கு பாரத் மன்சிராஜு இசையமைத்திருக்கிறார். ஃபேண்டஸி என்டர்டெய்னராக தயாராகி இருக்கும் இந்த திரைப்படத்தை கங்கா என்டர்டெயின்மென்ட்ஸ் நிறுவனம் சார்பில் தயாரிப்பாளர் மகேஸ்வர ரெட்டி தயாரித்திருக்கிறார்.

அனைத்து பணிகளும் நிறைவடைந்து வெளியீட்டிற்காக திட்டமிடப்பட்டு வரும் இப்படத்தின் டீசர் வெளியிடப்பட்டது. தமிழ் மற்றும் தெலுங்கு மொழியில் வெளியான இந்த டீசரில் இடம் பிடித்திருக்கும் காட்சிகள் ரசிகர்களை கலகலப்பூட்டியுள்ளதால்... குறுகிய கால அவகாசத்திற்குள் பத்து மில்லியனுக்கும் மேற்பட்ட பார்வைகளைப் பெற்று சாதனை படைத்து வருகிறது.