தவறவிடாதீர்கள்..!உடனே பதிவு செய்யுங்கள்

இயக்குநர் ஜீத்து ஜோசப் -நடிகர் மோகன்லால் கூட்டணியில் வெளியாகி ரசிகர்களின் பேராதரவை பெற்று வசூல் ரீதியான வெற்றியில் சாதனை படைத்த 'திரிஷ்யம் 3 'திரைப்படம் - எதிர்வரும் 18 ஆம் திகதி முதல் ப்ரைம் வீடியோ டிஜிட்டல் தளத்திலும் வெளியாகிறது.

நடிகர்கள் மோகன்லால், மீனா, சித்திக் ஆகியோர் முதன்மையான வேடங்களில் நடித்திருக்கும் இந்த திரைப்படம்... தமிழ், தெலுங்கு, மலையாளம், கன்னடம் ஆகிய மொழிகளில் பட மாளிகையில் வெளியாகி 235 கோடி ரூபாய்க்கும் மேல் வசூலித்து சாதனை படைத்தது. அத்துடன் இந்த திரைப்படம் எப்போது வெளியாகும்? என்ற என டிஜிட்டல் தள பார்வையாளர்கள் ஆவலுடன் காத்திருந்தனர்.

இந்நிலையில் இந்த திரைப்படம் எதிர்வரும் 18 ஆம் திகதி முதல் தமிழ், தெலுங்கு, மலையாளம், கன்னடம் ஆகிய மொழி சார்ந்த பதிப்புகளுடன் உலகம் முழுவதும் ப்ரைம் வீடியோ டிஜிட்டல் தளத்தின் வெளியாகிறது.

திரிஷ்யம் படத்தின் மூன்று பாகங்களும் படமாளிகையில் வெளியாகி வசூல் சாதனை பெற்றது. ஏற்கனவே டிஜிட்டல் தளத்தில் வெளியான இரண்டு பாகங்களும் பார்வையாளர்களின் பேரன்பினை பெற்றிருக்கிறது. இந்நிலையில் திரிஷ்யம் 3 திரைப்படம்- டிஜிட்டலில் வெளியாவதால் டிஜிட்டல் தள ரசிகர்களின் பேராதரவால் .. விரைவாக பத்து மில்லியன் நிமிடங்கள் பார்வையிடப்பட்டு... புதிய சாதனை படைத்த படமாக இருக்கும் என்ற எதிர்பார்ப்பை ஏற்படுத்தியிருக்கிறது.