தவறவிடாதீர்கள்..!உடனே பதிவு செய்யுங்கள்

கண்டி - குருநாகல் பிரதான வீதியில் நேற்று (13) இடம்பெற்ற மோட்டார் சைக்கிள் விபத்தில் 22 வயதுடைய இளைஞர் ஒருவர் உயிரிழந்துள்ளதாக பொலிஸார் தெரிவித்துள்ளனர்.

கண்டியிலிருந்து குருநாகல் நோக்கி பயணித்துக் கொண்டிருந்த மோட்டார் சைக்கிள் கட்டுப்பாட்டை இழந்து வீதியில் கவிழ்ந்ததுடன், பின்னர் எதிரே சென்றுகொண்டிருந்த கார் ஒன்றின் மீது மோதியதில் இந்த விபத்து ஏற்பட்டுள்ளது.

விபத்தில் மோட்டார் சைக்கிளை செலுத்திய வெரெல்லகம பகுதியைச் சேர்ந்த 22 வயதுடைய இளைஞர் படுகாயமடைந்த நிலையில், அவரும் பின் ஆசனத்தில் பயணித்த மற்றொருவரும் கலகெதர வைத்தியசாலையில் அனுமதிக்கப்பட்டனர்.

எனினும், சிகிச்சை பெற்று வந்த மோட்டார் சைக்கிள் சாரதி உயிரிழந்துள்ளதாக பொலிஸார் தெரிவித்துள்ளனர். காயமடைந்த மற்றைய நபர் மேலதிக சிகிச்சைக்காக கண்டி தேசிய வைத்தியசாலைக்கு மாற்றப்பட்டுள்ளார்.

சம்பவம் தொடர்பான மேலதிக விசாரணைகளில் மாவத்தகம பொலிஸார் ஈடுபட்டு வருகின்றனர்.