தவறவிடாதீர்கள்..!உடனே பதிவு செய்யுங்கள்

பமுணுகம, உஸ்வெட்டகெய்யாவ கடற்கரையில் அடையாளம் தெரியாத நபர் ஒருவரின் சடலம் கரை ஒதுங்கியுள்ளதாக பமுணுகம பொலிஸார் தெரிவித்துள்ளனர்.

பமுணுகம  பொலிஸ் பிரிவுக்குட்பட்ட உஸ்வெட்டகெய்யாவ கடற்கரையில் சனிக்கிழமை (13) பிற்பகல்  சடலம் ஒன்று காணப்படுவதாக கிடைத்த தகவலின் பேரில் பொலிஸார் விசாரணைகளை ஆரம்பித்துள்ளனர். உயிரிழந்தவர் யார் என்பது இதுவரை உறுதிப்படுத்தப்படவில்லை.

அவர் சுமார் 40 முதல் 45 வயது மதிக்கத்தக்க, 5 அடி 3 அங்குலம் உயரமுடைய, குட்டையான தலைமுடி கொண்ட ஆண் என அடையாளம் காட்டப்பட்டுள்ளது. அவர் பச்சை நிற மேற்சட்டை, நீலம் மற்றும் வெள்ளை நிறம் கலந்த சாரமும் அணிந்திருந்ததாக பொலிஸார் தெரிவித்தனர் .

சடலம் தற்போது ராகம வைத்தியசாலையின் பிரேத  அறையில் வைக்கப்பட்டுள்ளதுடன், பமுணுகம பொலிஸார் மேலதிக விசாரணைகளை மேற்கொண்டு வருகின்றனர்.