தவறவிடாதீர்கள்..!உடனே பதிவு செய்யுங்கள்

ஜனாதிபதியின் பணிப்புரைக்கமைய, நாட்டில் போதைப்பொருளை தடுக்கும் நோக்கிலான “முழு நாடுமே ஒன்றாக” எனும் தேசிய திட்டத்தின் கீழ், வெள்ளிக்கிழமை (12) பொலிஸாரால் முன்னெடுக்கப்பட்ட சோதனை நடவடிக்கைகளில் 829 பேர் போதைப்பொருட்களுடன் கைது செய்யப்பட்டுள்ளதாக பொலிஸ் ஊடகப்பிரிவு தெரிவித்துள்ளது. 

அத்துடன், தடுப்புக்காவல் உத்தரவு பெற்ற 13 பேர் கைது செய்யப்பட்டதுடன், சட்டவிரோத சொத்துக்குவிப்பு தொடர்பான விசாரணைகளின்பேரில் மூவர் கைது செய்யப்பட்டுள்ளனர்.

மேலும், 835 விசேட சோதனைகள் நடத்தப்பட்டுள்ளதுடன், நால்வர் புனர்வாழ்வு நிலையங்களுக்கு அனுப்பிவைக்க பரிந்துரைக்கப்பட்டுள்ளனர்.

குறித்த போதைப்பொருள் தடுப்பு நடவடிக்கைகளின்போது சிக்கிய சந்தேக நபர்கள் வைத்திருந்த போதைப்பொருட்களையும் பொலிஸார் கைப்பற்றியுள்ளனர்.

அதன்படி, சந்தேகநபர்களிடமிருந்து 369 கிராம் ஹெரோயின், 531 கிராம் ஐஸ், 641 கிலோகிராம் 520 கிராம் கஞ்சா, 27,242 கஞ்சா செடிகள், 02 கிராம் குஷ் ரக போதைப்பொருள், 106 கிராம் ஹஷீஷ் ரக போதைப்பொருள், 1696 போதை மாத்திரைகள், 01 கிலோகிராம் 609 கிராம் மதனமோதகம் மற்றும் 356 கிராம் மாவா போதைப்பொருள் என்பன கைப்பற்றப்பட்டுள்ளதாக பொலிஸார் தெரிவித்தனர்.