தவறவிடாதீர்கள்..!உடனே பதிவு செய்யுங்கள்

அனுமதிப்பத்திரமின்றி 6,000 கிலோகிராம் கழிவுத் தேயிலையை சந்தேக நபர் ஒருவர்  லொறியொன்றினூடாக கொண்டு சென்ற போது சந்தேகத்தின் பேரில் ஹட்டன் பொலிஸ் ஊழல் தடுப்புப் பிரிவு அதிகாரிகள் நேற்று (11) வியாழக்கிழமை  இரவு கைது செய்துள்ளனர். 

அக்கரப்பத்தனை  பகுதியிலிருந்து குளியாபிட்டியாவிற்கு ஹட்டன் வழியாக கழிவுத் தேயிலையை ஏற்றிச் செல்லும் போதே ஹட்டன் - கொழும்பு பிரதான வீதியில் வைத்து இந்த கைது நடவடிக்கை முன்னெடுக்கப்பட்டுள்ளது.

லொறியின் சாரதி மற்றும் கைப்பற்றப்பட்ட கழிவு தேயிலை, கடத்துவதற்கு பயன்படுத்திய லொறி ஆகியவற்றை இன்று (12) வெள்ளிக்கிழமை  ஹட்டன் நீதவான் நீதிமன்றத்தில் ஆஜர்படுத்த நடவடிக்கை எடுத்துள்ளதாக ஹட்டன் பொலிஸ் ஊழல் தடுப்புப் பிரிவு அதிகாரிகள் தெரிவித்தனர்.