தவறவிடாதீர்கள்..!உடனே பதிவு செய்யுங்கள்

தமிழ் திரையுலகின் பிரபல நடிகரும், சமூக செயற்பாட்டாளருமான ஆரி அர்ஜுனன் கதையின் நாயகனாக முதன்மையான வேடத்தில் நடித்திருக்கும் 'பகவான்' திரைப்படத்தின் கிளர்வோட்டம் வெளியிடப்பட்டிருக்கிறது.

இயக்குநர் கலிங்கன் இரக்கத்தில் உருவாகி வரும் 'பகவான்' திரைப்படத்தில் ஆரி அர்ஜுனன், பூஜிதா பொன்னாடா, சந்தோஷ் பிரதாப், 'ஆடுகளம்' நரேன், மறைந்த நடிகர் டெல்லி கணேஷ், ஜெகன், முருகதாஸ், யோக் ஜேபி இவர்களுடன் ஜேம்ஸ் பர்ரட் என்ற ஹொலிவுட் நடிகரும் நடித்திருக்கிறார்கள்.

முருகன் சரவணன் ஒளிப்பதிவு செய்திருக்கும் இந்த திரைப்படத்திற்கு பிரசன் பாலா இசையமைத்திருக்கிறார்.  மித்தலாஜிக்கல் திரில்லராக தயாராகி இருக்கும் இந்த திரைப்படத்தை அம்மன்யா மூவிஸ் நிறுவனம் சார்பில் தயாரிப்பாளர் சி. வி. மஞ்சுநாதா தயாரித்திருக்கிறார்.

இந்த கிளர்வோட்டத்தில் இடம் பிடித்திருக்கும்' மனிதனுக்கும் மதத்திற்கும் இடையேயான போர் ' என்ற உரையாடல்... 'பகவான்' படத்தைப் பற்றிய எதிர்பார்ப்பை அனைத்து தரப்பு ரசிகர்களிடத்திலும் அதிகப்படுத்தி இருக்கிறது.